احماتوۆانىڭ الەمى

اقىن اننا احماتوۆا تۋرالى بارشامىزدىڭ حابارىمىز بار. ال سۋرەتشى رايكۇل احماتوۆا ەسىمىن ەستىگەندەرىڭىز بار ما؟ جۋىردا استانا قالاسىنىڭ مەملەكەتتىك مۇراعاتىندا تمد-نىڭ قۇرىلعانىنا 25 جىل تولۋىنا وراي كورمە ۇيىمداستىرىلدى.

وندا بىشكەك قالاسىنىڭ مەملەكەتتىك مۇراعاتى قورىنان الىنعان قۇجاتتار مەن فوتوسۋرەتتەرمەن قاتار, يۋنەسكو ءجۇل­دەسىنىڭ يەگەرى, قىرعىز رەسپۋبليكاسىنىڭ ەڭبەك سىڭىرگەن مادەنيەت قاي­­راتكەرى رايكۇل احما­تو­ۆانىڭ جۇمىستارى جۇرت­شىلىق نازارىنا ۇسى­نىلدى.

كورمەگە قازاقستان مەن قىرعىز رەسپۋبليكاسى ارا­لارىندا ءارتۇرلى حرونو­لوگيالىق كەزەڭدەردەگى تاريحي قارىم-قاتىناستى قامتيتىن فوتوقۇجاتتار قويىلعان. اتاپ ايتساق, 1992 جىلعى بىشكەك قالاسىنداعى ورتالىق ازيا ەلدەرىنىڭ جانە قازاق­ستاننىڭ مەملەكەت باسشىلارىنىڭ كەز­دەسۋى, 2001 جىلعى قىرعىز رەسپۋب­ليكا­سىنىڭ استاناسىنا
قا­زاق­ستان پرەزيدەنتى نۇرسۇلتان نازارباەۆتىڭ ساپارى بەينەلەنگەن.

سۋرەتشى رايكۇل احما­تو­ۆانىڭ شىعارما­شىلىعىن ءسوز ەتسەك, ەلورداداعى كور­مەگە ونىڭ 70-تەن استام تۋىن­دىسى قويىلدى. ونىڭ 20-دان استامى كارتينالار بولسا, 50-ءى – كادەسىيلار. كارتي­نالاردىڭ اراسىندا «بوكەلەي اتامنىڭ جاستىق شاعى», «بالالىق شاعىم­نىڭ كىتابى», «پاسحا ارا­لىنا ارناۋ», «مەگاپوليس ىرعاقتارى», «دي­ناميكالىق تەپە-تەڭ­دىك», «قىسقى سوناتا» سىن­دى سۋرەتتەردىڭ بوياۋى كوز تار­تادى. سۋرەتشى ءوز شى­عارما­شىلىعىندا كادىمگى كيىز بەن جىبەكتى دە قولدانادى. كورمەگە جينالعان اتالمىش تەحنيكادا ورىندالعان جۇمىستاردى دا تاماشالادى.

كورمەنىڭ اشىلۋىندا ءسوز العان استانا قالالىق مەم­لەكەتتىك مۇراعاتىنىڭ ديرەكتورى بالقيا بايماعامبەتوۆا اتالمىش كورمە حالىقارالىق دەڭگەيدەگى ەكىنشى شارا ەكەنىن ايتىپ, العاشقىسى «استانا – ەۋرازيا جۇرەگى» اتاۋىمەن ومبىدا ۇيىمداستىرىلعانىن ەسكە سالىپ ءوتتى. سونداي-اق, بىشكەك قالاسىنىڭ مەملەكەتتىك مۇراعاتىنىڭ ديرەكتورى جۇماباي بەچەكوۆ پەن رايكۇل احماتوۆا سويلەپ, ەكى ەلدىڭ باۋىرلاستىعى, تۋىسقاندىعى جونىندە اڭگىمە ءوربىتتى.

امانعالي قالجانوۆ