احمەتوۆا جەڭىمپاز اتاندى
«استانا وپەرا» تەاترىنىڭ ءانشىسى سالتانات احمەتوۆا «بولشايا وپەرا» اتتى تەلەجوبانىڭ جەڭىمپازى اتاندى. سالتانات – اكادەميالىق كونتسەرت پەن شوۋ ەلەمەنتتەرىن بىرىكتىرگەن «روسسيا ك» تەلارناسىنىڭ مەگا جوباسىنا قاتىسقان تۇڭعىش قازاق ءانشىسى.
اتالمىش جوباعا المانيا, رەسەي, بەلارۋس, قازاقستان, ازەربايجان, وزبەكستان جانە ارمەنيا ۆوكاليستەرى قاتىستى. الايدا, كسرو حالىق ءارتىسى, وپەرا ساحناسىنىڭ الەمدىك جۇلدىزى ەلەنا وبرازتسوۆا, رسفسر حالىق ءارتىسى, سوپرانو گالينا كالينينا, ماسكەۋلىك «گەليكون-وپەرا» مۋزىكالىق تەاترىنىڭ كوركەمدىك جەتەكشىسى, رەسەيدىڭ حالىق ءارتىسى دميتري بەرتمان, سونداي-اق ۆەنالىق وپەرانىڭ ينتەندانتى يوان حولەندەر قازىلىق ەتكەن كونكۋرستىڭ مارەسىنە سالتانات پەن بىرگە بەلورۋسسيالىق يليا سيلچۋكوۆ پەن رەسەيلىك ۆاسيليسا بەرجانسكايا عانا جەتتى. ال جەڭىمپازدى تەلەكورەرمەندەر داۋىس بەرۋ ارقىلى فينالعا شىققان ءۇش ۇمىتكەر اراسىنان تاڭدادى. بەدەلدى بايقاۋدا باعى جانعان سالتانات احمەتوۆا مۇنى كاسىپتىك تۇرعىدان العاندا ماڭىزدى سىناق رەتىندە باعالادى. ول كوكشەتاۋداعى ءبىرجان سال اتىنداعى مۋزىكا كوللەدجىن, قازاق ۇلتتىق مۋزىكا اكادەمياسىنىڭ «جەكە ءان ورىنداۋشى» ماماندىعى بويىنشا حورلان قاليلامبەكوۆانىڭ سىنىبىن بىتىرگەن. يتاليانىڭ ۆوكال ونەرى اكادەمياسىندا ءىس-تاجىريبەدەن ءوتىپ, حالىقارالىق دارەجەدەگى وپەرا مايتالماندارىنىڭ شەبەرلىك ءدارىسىن تىڭداعان.
ايگۇل ۋايسوۆا