كوكتەمنىڭ العاشقى مەرەكەسى – حالىقارالىق ايەلدەر كۇنىنىڭ قۇرمەتىنە استانادا بىرقاتار شارالار ۇيىمداستىرىلادى. قالالىق مادەنيەت, مۇراعاتتار جانە قۇجاتتاما باسقارماسىنىڭ حابارلاۋىنشا, مەرەكە كۇندەرى مادەني وشاقتاردىڭ بارلىعىندا – مۋزەيلەردە, كىتاپحانالاردا, تەاترلاردا, كونتسەرتتىك زالدار مەن سارايلارىندا تاقىرىپتىق كورمەلەر, سپەكتاكلدەر, كونتسەرتتەر وتەدى.
ايەلدەر مەيرامىنىڭ اياسىنداعى شارالار ناۋرىزدىڭ ءبىرىنشى كۇنىنەن باستالعانىن ايتۋعا ءتيىستىمىز. ماسەلەن, «استانا» كونتسەرت زالىندا «8 ناۋرىز مەرەكەسىنە سىيلىقتار» اتتى كورمە-جارمەڭكەسى, تاۋەلسىزدىك سارايىندا «گۇلدىڭ ءنارى» كورمەسى وسى كۇندەرى ءوتىپ جاتىر. العاشقىسى ءبىر اپتاعا سوزىلسا, ەكىنشىسى اي بويى جۇرەدى.
كەشە «الجير» مۋزەيىندە «ايدىنىن اڭساعان اققۋلار» اتالاتىن كورمە اشىلدى.
تەاترلارعا كەلسەك, ق.قۋانىشباەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىندا بۇگىن جازۋشى-دراماتۋرگ ءسۇلتانالى بالعاباەۆتىڭ «ەڭ جاقسى ەركەك» كومەدياسى, ەرتەڭ مار بايدجيەۆتىڭ «ءتىل تابىسقاندار» قويىلىمى وتەدى.
8 ناۋرىز كۇنى «استانا» كونتسەرت زالىندا «جىگىتتەر» توبى «جانىڭدا ماڭگى قالعىم كەلەدى» كونتسەرتىمەن ايەلدەر قاۋىمىن قۇتتىقتايدى. ال كەلەسى كۇنى وسى جەردە «الداراسپان» ءازىل-سىقاق تەاترىنىڭ ساتيرا جانە يۋمور كەشى ۇيىمداستىرىلادى.
ال «استانا وپەرا» تەاترىندا بۇگىن وتەتىن «اققۋ كولى» بالەتى, ەرتەڭ ۇيىمداستىرىلاتىن «سەنەن سۇلۋ ەشكىم جوق» كونتسەرتى كوڭىل-كۇيدى كوتەرە تۇسەدى.
امانعالي قالجانوۆ