ەلوردالىق «باقىتتى وتباسى» ورتالىعىندا نۇر-سۇلتان قالاسى اكىمدىگىنىڭ جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى كوميسسيانىڭ وتىرىسى ءوتتى
كەزدەسۋگە قاتىسۋشىلار قر كونستيتۋتسياسىنا تولىقتىرۋلار مەن وزگەرىستەر ەنگىزۋ بويىنشا رەسپۋبليكالىق رەفەرەندۋم وتكىزۋدىڭ ماڭىزدىلىعى مەن دايىندىعىن تالقىلادى.
«نۇر-سۇلتان قالاسى اكىمدىگىنىڭ جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى كوميسسيانىڭ بارلىق مۇشەلەرى – ەلوردانىڭ دامۋىنا ۇلەس قوسىپ جۇرگەن بەلسەندى ايەلدەر جينالىپ, ماڭىزدى جينالىس وتكىزدىك. ەلوردانىڭ, ەلدىڭ بارلىق انالارى بولاشاق ۇرپاق, «جاڭا قازاقستان» ءۇشىن رەفەرەندۋمعا بىرىگىپ, قولداۋ كورسەتۋى ماڭىزدى دەپ سانايمىن. ءبارىمىز بارىپ, داۋىس بەرۋىمىز كەرەك» دەپ اتاپ ءوتتى «باقىتتى وتباسى» ورتالىعىنىڭ جەتەكشىسى ىرزا تۇرسىنزادا.
كەزدەسۋگە قاتىسۋشىلار رەسپۋبليكالىق رەفەرەندۋم وتكىزۋ بويىنشا ءوز ويلارىمەن جانە ۇسىنىستارىمەن ءبولىستى, سونداي-اق نەگىزگى زاڭعا ەنگىزىلەتىن تۇزەتۋلەردى تالقىلادى.
«جاعدايدى وزگەرتۋ ءۇشىن جانە تەك تەلەديدار ەكرانىنان نەمەسە پرەزيدەنتتىڭ اۋزىنان «جاڭا قازاقستان» تۋرالى ەستىپ قانا قويماي, ءبىز ءۇشىن جاڭارعان قازاقستاننىڭ وسى ساياسي جۇيەسىن قالىپتاستىرۋعا ءوزىمىز قاتىسۋىمىز ماڭىزدى شىعار. مەن ارقاشان ءوز پاراعىمنان رەفەرەندۋمعا قاتىسۋ كەرەكتىگى تۋرالى ايتىپ كەلەمىن, ءبىز قاراپايىم تۇردە تۇسىندىرەمىز, بىزگە سەنەتىن ايەلدەرمەن كەزدەسەمىز. مەنىڭ ويىمشا, ءبىزدىڭ ميسسيامىز – بىزبەن بىرگە ادامداردى ءتۇسىنۋ جانە ءتۇسىندىرۋ» دەپ اتاپ ءوتتى جۋرناليست, نۇر-سۇلتان قالاسىنىڭ ايەلدەر ىستەرى جانە وتباسىلىق-دەموگرافيالىق ساياسات جونىندەگى كوميسسيانىڭ مۇشەسى ايگۇل مۇكەي.
رەفەرەندۋمعا مەملەكەت كونستيتۋتسياسىنىڭ 33 بابىنا تۇزەتۋلەر ەنگىزۋ ماسەلەسى شىعارىلادى, بۇل مەملەكەتتىڭ ساياسي تارتىبىنە ەلەۋلى وزگەرىستەر اكەلەدى.
«باقىتتى وتباسى» ورتالىعىنىڭ بازاسىندا نۇر-سۇلتان قالاسى اكىمدىگىنىڭ جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى كوميسسيا مۇشەلەرى ءبىزدىڭ نەگىزگى زاڭعا تۇزەتۋلەردى قابىلداۋدى جانە وسى پروتسەسكە ازاماتتىق قوعامنىڭ قاتىسۋىن تالقىلاۋعا, كونستيتۋتسيالىق رەفورمالاردى تۇسىندىرۋگە بەلسەندى قاتىسۋدا. بۇل – وتە ماڭىزدى مودەل. رەفەرەندۋم وتكىزۋ شارتتارى مەن ونىڭ ءراسىمى قازاقستان رەسپۋبليكاسىنىڭ كونستيتۋتسياسىمەن جانە زاڭدارىمەن رەتتەلەدى. وزدەرىڭىز بىلەتىندەي, 33 باپقا تۇزەتۋلەر ەنگىزۋ كوزدەلۋدە, بۇل جۇيەدە وتە ەلەۋلى وزگەرىس بولادى دەپ سانايمىن. نۇر-سۇلتان قالاسىنىڭ ايەلدەر ىستەرى جانە وتباسىلىق-دەموگرافيالىق ساياسات جونىندەگى كوميسسياسى رەفەرەندۋمدى بەلسەندى قولدايدى جانە وعان ءاربىر قازاقستاندىقتىڭ قاتىسۋى ماڭىزدى دەپ سانايدى» دەدى نۇر-سۇلتان قالاسى اكىمدىگىنىڭ جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى كوميسسيانىڭ حاتشىسى قارلىعاش ساركەنوۆا.
