قالا باسشىسى التاي كولگىنوۆ اپتا سايىن تۇرعىنداردى ونلاين قابىلدايدى. مۇنداي كەزدەسۋلەر كوپتەگەن تۇيتكىلدى ماسەلەلەردىڭ جاۋابىن الۋعا مۇمكىندىك بەرەدى.
«تۇرعىنداردى اپتا سايىن قابىلدايمىز. جۋىردا جەكە قابىلداۋعا جازىلعان 12 ادامدى قابىلدادىم. شامامەن 30 سۇراق قامتىلدى. نەگىزگى ماسەلەلەردىڭ قاتارىنا تۇرعىن ءۇي باعدارلامالارىنا قاتىسۋ, الەۋمەتتىك, مەديتسينالىق كومەك كورسەتۋ, ەلدى مەكەندەردى دامىتۋ, جۇمىسقا ورنالاسۋعا كومەكتەسۋ, اباتتاندىرۋ ماسەلەلەرى جانە تاعى باسقالار جاتادى. وسى باعىتتار بويىنشا جۇيەلى جۇمىس جۇرگىزىپ جاتىرمىز» دەپ ءمالىم ەتتى التاي كولگىنوۆ.
ەلوردا اكىمى قابىلداۋدا قوعامدىق كەڭىستىك ماسەلەسىنىڭ كوتەرىلگەنىن ايتتى. «قابىلداۋدا قوعامدىق كەڭىستىكتەر ماسەلەسى دە كوتەرىلدى. قالا تۇرعىنداردىڭ قاتىسۋىمەن دامۋدا. مىسالى, «بيۋدجەتكە قاتىسۋ» جوباسى اياسىندا بيىل 50-دەن استام اۋلا اباتتاندىرىلدى. جوباعا قالانىڭ بارلىق اۋداندارى قاتىسادى. «بيۋدجەتكە قاتىسۋ» جوباسى تۇرعىندارعا اۋلاسىنىڭ قانداي بولاتىنىن شەشۋگە مۇمكىندىك بەرەدى. ەكى جىلدىڭ ىشىندە قالادا 400 اۋلا مەن قوعامدىق كەڭىستىك (ساياباقتار, سكۆەرلەر, بۋلۆارلار) سالىندى» دەدى قالا باسشىسى.
