نۇر-سۇلتان قالاسىنىڭ قالالىق ورتا ساپاسى جانە باقىلاۋ باسقارماسى «جەلەزنودوروجنىي» تۇرعىن ءۇي الابىندا ورنالاسقان دەنە شىنىقتىرۋ-ساۋىقتىرۋ كەشەنىنىڭ قۇرىلىسى بويىنشا باس مەردىگەرى «بايسىن-ا» جشس قاتىستى جوسپاردان تىس تەكسەرۋ جۇرگىزدى. مۇنداي تەكسەرىسكە قالالىق قۇرىلىس باسقارماسىنىڭ باس مەردىگەردىڭ تەحنيكالىق قۇجاتتامانى تيىسىنشە جۇرگىزبەۋىنە, قۇرىلىس پروتسەسىندە انىقتالعان كەمشىلىكتەردى ۋاقتىلى جويماۋىنا, سونداي-اق ساۋلەت جانە قالا قۇرىلىسى سالاسىندا بەلگىلەنگەن زاڭناما نورمالارىنىڭ, مەملەكەتتىك نورماتيۆتىك تالاپتاردىڭ بۇزىلۋىنا جانە اۋىتقۋىنا جول بەرىلگەن جۇمىس جۇرگىزۋ كەستەسىنەن قالىپ قويۋىنا قاتىستى حاتى نەگىز بولعان.
تەكسەرۋشى ماماندار جەرگىلىكتى جەرگە بارىپ, قۇرىلىسقا قاجەتتى قۇجاترتاردى تەكسەرگەندە «ساۋلەت, قالا قۇرىلىسى جانە قۇرىلىس قىزمەتى تۋرالى» قازاقستان رەسپۋبليكاسىنىڭ زاڭىن ورەسكەل بۇزۋشىلىقتار انىقتالعان, ياعني قۇرىلىس ساپاسىن وزىندىك وندىرىستىك باقىلاۋدىڭ تۇرلەرى مەن نىساندارى ساقتالماعان, سونداي-اق نىساننىڭ قۇرىلىسى مەردىگەردىڭ مىندەتتەرىنە كىرەتىن نورماتيۆتىك قۇجاتتاردا كوزدەلگەن اتقارۋشى تەحنيكالىق قۇجاتتامانى تيىسىنشە رەسىمدەلمەگەن.
تەكسەرۋ ناتيجەسى بويىنشا قۇرىلىس-مونتاجداۋ جۇمىستارىن جۇرگىزۋ ساپاسىن ساقتاماعانى, نىسانداردى تۇرعىزۋ جانە رەكونسترۋكتسيالاۋ, قۇرىلىس ماتەريالدارىن, بۇيىمدارى مەن كونسترۋكتسيالارىن دايىنداۋ بويىنشا قۇرىلىس-مونتاجداۋ, جوندەۋ-قالپىنا كەلتىرۋ جۇمىستارىن جۇرگىزۋ كەزىندە نورماتيۆتىك قۇجاتتاردا كوزدەلگەن اتقارۋشىلىق تەحنيكالىق قۇجاتتامانى رەسىمدەۋ قاعيدالارىن بۇزعانى ءۇشىن جانە قازاقستان رەسپۋبليكاسى زاڭناماسىنىڭ جانە ساۋلەت, قالا قۇرىلىسى جانە قۇرىلىس-مونتاجداۋ سالاسىنداعى مەملەكەتتىك نورماتيۆتەردىڭ تالاپتارىن بۇزا وتىرىپ, جوبالاۋ الدىنداعى ىزدەستىرۋ, جوبالاۋ, قۇرىلىس-مونتاجداۋ جۇمىستارىن ورىنداعانى ءۇشىن اتالعان مەردىگەرگە قاتىستى قر اقبتك-ءنىڭ 315-بابى جانە 312-بابىنىڭ 2-بولىگى بويىنشا اكىمشىلىك حاتتامالار تولتىرىلىپ, نۇر-سۇلتان قالاسىنىڭ مامانداندىرىلعان اۋدانارالىق اكىمشىلىك سوتىنا جىبەرىلدى. سونداي-اق شىعىس قازاقستان وبلىسى بويىنشا مەملەكەتتىك ساۋلەت-قۇرىلىس باقىلاۋ باسقارماسىندا «بايسىن – ا» جشس-نە قاتىستى «اكىمشىلىك قۇقىق بۇزۋشىلىق تۋرالى» قر كودەكسىنىڭ (بۇدان ءارى-قر اقبتك) 312-بابىنىڭ 1-بولىگى بويىنشا اكىمشىلىك قۇقىق بۇزۋشىلىق تۋرالى ءىس جۇرگىزىلگەنى دە ەسكەرىلدى.
