تسەلينوگراد قالاسى. 1960 جىلدىڭ ناۋرىز ايى. ورتالىق الاڭ. ول كەزدەگى شاھارداعى جاڭادان پايدالانۋعا بەرىلگەلى جاتقان «ەسىل» قوناقۇيىنىڭ الدىنا جۇزگە تارتا ادام جينالىپ قالىپتى. بۇل نە, نارازىلىق شەرۋى مە؟ قۇداي ساقتاسىن! كەمەلدەنگەن سوتسياليزمگە بەت تۇزەگەن كەڭەس وداعى كەزەڭىندە وندايدى ويلاۋدىڭ ءوزى قورقىنىشتى ەدى.
سوندا بۇل نە جيىن؟ كونەكوز قاريا, وسى قالانىڭ بايىرعى تۇرعىنى دميتري مەلكوۆتىڭ ايتۋىنشا, بۇل ەشقانداي ميتينگ تە, جيىن دا ەمەس, ورتالىق الاڭدا قوعامدىق كولىك كۇتىپ تۇرعان اۋىسىمدىق جۇمىستان شىققان جاقىن ماڭداعى تەرى وڭدەۋ زاۋىتى مەن تىگىن فابريكاسىنىڭ جۇمىسشىلارى كورىنەدى.
«ول كەزدە قازىرگىدەي ارنايى جابدىقتالىپ, بەلگى قويىلعان اۆتوبۋس ايالدامالارى بولمايتىن. جۇمىسشىلار اۋىسىمنان شىعا سالىپ, ورتالىق الاڭعا كەلىپ توپتالىپ كولىك كۇتەتىن. قالا شاعىن ول كەزدە باعداردا ەكى-ءۇش قانا «پازيك» جۇرەتىن. وعان ون بەس-جيىرما ادامنان ارتىق سىيمايدى. مىنە, سوسىن كەلەسىسىن كۇتۋگە تۋرا كەلەدى» دەپ ەسكە الادى قالانىڭ بايىرعى تۇرعىنى.
سۋرەت قر كينوفوتوقۇجاتتار مەن دىبىس جازبالار ارحيۆىنەن الىندى.
