ءمادينا 1980 جىلداردىڭ ورتاسىندا قازاقتىڭ ءداستۇرلى مۋزىكا مادەنيەتىنىڭ قايتا ورلەۋىنە بەلگىلى قوعام جانە مەملەكەت قايراتكەرى وزبەكالى جانىبەكوۆتىڭ قوسقان ۇلەسى زور. ءدال سول كەزدە الماتى وبلىستىق فيلارمونياسى جانىنان قۇرىلعان, جەزتاڭداي ءانشى ءمادينا ەراليەۆانىڭ ءان ونەرىندەگى باعىن اشقان «ادىرنا» فولكلورلىق-ەتنوگرافيالىق ءانسامبلىنىڭ بەتاشار كونتسەرتى 1986 جىلعى 9 ناۋرىزدا قويىلدى.
ءمادينانىڭ قايتالانباس داۋىسى حالىق اندەرىنە جاڭا عۇمىر سىيلادى. تالانتتى ءانشىنىڭ سىڭعىرلاعان سۇلۋ داۋىسى كونە اسپاپتاردىڭ عاجاپ دىبىسىمەن ادەمى جاراسىم تاپتى.
«ادىرنا» فولكلورلىق-ەتنوگرافيالىق ءانسامبلى العاش رەت تسەلينوگراد قالاسىندا 1990 جىلى 8 قىركۇيەكتە جاستار سارايىندا ونەر كورسەتتى. حالىق كۇيى «مايداجالمەن» كورەرمەننىڭ قۇلاق قۇرىشىن قاندىردى. سونان سوڭ اقبيكەشتىڭ «اينام قالدى», ەسىردىڭ «توعىز تۇيەشى», تاعى دا باسقا كۇيلەر ورىندالدى.
وسى كەشتە ءمادينا ەراليەۆا سۇلۋ, سىڭعىرلى داۋىسىمەن «قوعالى-اي», «ءاي-ءاي, بوپەم», «اگۋ-گاي», «اتتەڭ توننىڭ كەلتەسى-اي», «جەتىسۋ» اندەرىن ناقىشىنا كەلتىرە ورىندادى.
عازيزا يساحان
