قازاقستاننىڭ ەڭبەك سىڭىرگەن سۋرەتشىسى, كسرو سۋرەتشىلەر وداعىنىڭ مۇشەسى, قىلقالام شەبەرى, تىڭ يگەرۋ, استىق جيناۋ, عارىش, قازاق حالقى مەن اقمولا دالاسىنىڭ وتكەنى مەن بۇگىنىن بەينەلەيتىن مونۋمەنتالدى ونەر تۋىندىلارىنىڭ اۆتورى ميحايل ياكوۆلەۆيچ انتونيۋك 1961 جىلى لۆوۆ مەملەكەتتىك ساندىك-قولدانبالى ونەر ينستيتۋتىنىڭ مونۋمەنتالدى كەسكىندەمە فاكۋلتەتىن ءبىتىرىپ, كومسومولدىق جولدامامەن قازاقستانعا تىڭ جەرلەردى يگەرۋگە كەلگەن.
م.يا.انتونيۋك – اقمولا قالاسىنداعى سالت-ءداستۇر سارايى, جاستار سارايى, مۋزىكا مەكتەبى, «تۋريست» قوناق ءۇيى ءتارىزدى كوپتەگەن عيماراتتاردى اشەكەيلەپ, بەزەندىرگەن سۋرەتشى. ونىڭ شىعارماشىلىعى جان-جاقتى, ءارتۇرلى تەحنيكامەن, جانرمەن, بەينەلەۋ ونەرىنىڭ تۇرلىلىگىمەن ەرەكشەلەنىپ ءوزىنىڭ قايتالانباس جەكە قولتاڭباسىمەن ايقىندالادى. ۇلى ياروسلاۆ – اكەسىنىڭ جولىن جالعاستىرعان سۋرەتشى.
سۋرەتتە م.انتونيۋك ءوز شەبەرحاناسىندا. تسەلينوگراد قالاسى. 1988 ج.
عازيزا يساحان
