قازاقتىڭ العاشقى كاسىبي ديريجەرى, كسرو حالىق ءارتىسى شامعون قاجىعاليەۆ باستاعان بۇكىلوداقتىق جانە حالىقارالىق كونكۋرستاردىڭ لاۋرەاتى, بۋحارەستە وتكەن بۇكىلدۇنيەجۇزىلىك جاستار مەن ستۋدەنتتەردىڭ IV فەستيۆالىنىڭ باس بايگەسىن جەڭىپ العان قازاقتىڭ قۇرمانعازى اتىنداعى مەملەكەتتىك حالىق اسپاپتارى وركەسترى 1972 جىلى 26 ناۋرىزدا تىڭ يگەرۋشىلەر سارايىندا ونەر كورسەتتى.
وركەستردىڭ كوركەمدىك جاعىن باسقارۋشى جانە باس ديريجەرى ش.قاجىعاليەۆتىڭ ديريجەرلىك ەتۋىمەن وركەستر قازاق حالقىنىڭ بايىرعى كۇيلەرىن بابىنا كەلتىرىپ ورىنداپ, تىڭداۋشىلارىن ءبىر جەلپىنتىپ تاستادى. سودان كەيىن قۇرمانعازى مەن داۋلەتكەرەيدىڭ كۇيلەرى, موتسارت پەن برامستىڭ كلاسسيكالىق شىعارمالارى دا كوپشىلىكتىڭ قۇلاق قۇرىشىن قاندىردى.
باي رەپەرتۋارى, وزىندىك ورىنداۋ قاسيەتى, كوركەمدىك بيىك شەبەرلىگى بار وركەستر تىڭداۋشىلار قۇرمەتىنە بولەندى.
عازيزا يساحان
