قارجىلىق مونيتورينگ اگەنتتىگى, قازاقستان رەسپۋبليكاسى باس پروكۋراتۋراسىنىڭ جانىنداعى قۇقىق قورعاۋ ورگاندارى اكادەمياسى, ە.ا. بوكەتوۆ اتىنداعى قاراعاندى ۋنيۆەرسيتەتى, «تۇران» ۋنيۆەرسيتەتى, «AML ACADEMY» قارجى مونيتورينگى اكادەمياسى 2024 جىلعى قارجى قاۋىپسىزدىگى بويىنشا حالىقارالىق وليمپياداعا ىرىكتەۋ تۋرىن وتكىزەدى, دەپ حابارلايدى astana-akshamy.kz
وليمپيادا جاستاردىڭ قارجىلىق-قۇقىقتىق ساۋاتتىلىعىن ارتتىرۋعا, قارجىلىق قاۋىپسىزدىكتىڭ زاماناۋي ترەندتەرىن كورسەتۋگە, قارجى سالاسىنداعى تاۋەكەلدەر مەن قاتەرلەرگە قارسى تۇرۋدى ۇيرەتۋگە ارنالعان.
وليمپياداعا قۇقىقتانۋ, ەكونوميكا, قارجى جانە ەسەپ, اقپاراتتىق قاۋىپسىزدىك, اقپاراتتىق تەحنولوگيالار ءبىلىم بەرۋ باعدارلامالارى بويىنشا ءبىلىم الاتىن 2-3 كۋرس ستۋدەنتتەرى مەن عىلىمي-پەداگوگيكالىق باعىتتاعى 1-كۋرس ماگيسترانتتارى قاتىسا الادى.
وليمپياداعا قاتىسۋدان بۇرىن قاتىسۋشىلار مىندەتتى تۇردە ساۋالنامانى تولتىرۋى كەرەك.
ىرىكتەۋ تۋرى ونلاين جانە وففلاين فورماتتا قازاق, ورىس تىلدەرىندە (قاتىسۋشىلاردىڭ قالاۋى بويىنشا) وتكىزىلەدى. ىرىكتەۋ تۋرىنا قاتىسۋ تەگىن.
ىرىكتەۋ تۋرى ەرەجەگە سايكەس 2 كەزەڭدە وتكىزىلەدى: تەستىلەۋدەن ءوتۋ (1-كەزەڭ) جانە ەسسە جازۋ (2-كەزەڭ). 1-كەزەڭنەن ءساتتى وتكەن جاعدايدا قاتىسۋشى ىرىكتەۋ تۋرىنىڭ 2-كەزەڭىنە قاتىسۋ قۇقىعىنا يە بولادى.
2-ءشى ىرىكتەۋ تۋرىنىڭ جەڭىمپازدارى «سيريۋس» فەدەرالدى اۋماعىندا (رەسەي فەدەراتسياسى, كراسنودار ولكەسى) ورىس تىلىندە وتەتىن وليمپيادانىڭ سوڭعى كەزەڭىندە وزدەرىن كورسەتە الادى.
وتىنىمدەردى قابىلداۋ 2024 جىلعى 1 مامىر ساعات 09:00-دەن 10 مامىر ساعات 13:00-گە دەيىن قازاقستان رەسپۋبليكاسى باس پروكۋراتۋراسىنىڭ جانىنداعى قۇقىق قورعاۋ ورگاندارى اكادەمياسىنىڭ سايتىندا مىنا سىلتەمە بويىنشا اشىق بولادى https://reg.olymp.academygp.kz/
2024 جىلعى 1-10 مامىر ارالىعىندا تىركەلۋ.
1-ءشى كەزەڭىن وتكىزۋ كۇنى – 2024 جىلعى 13 مامىر.
1-ءشى كەزەڭىنىڭ ناتيجەلەرى – 2024 جىلعى 15 مامىر.
2-ءشى كەزەڭنىڭ وتەتىن كۇنى – 2024 جىلعى 20 مامىر.
2-ءشى كەزەڭنىڭ ناتيجەسى – 2024 جىلعى 22 مامىر.
اپەللياتسيا – 2024 جىلعى 23 مامىر.
وليمپيادانىڭ قورىتىندىسىن شىعارۋ 2024 جىلعى 28 مامىردا وتكىزىلەدى.
