جاڭا جول بەلگىلەرى قولدانىسقا ەنەدى, دەپ حابارلايدى astana-akshamy.kz
«2024 جىلعى 17 ساۋىردە ىشكى ىستەر ءمينيسترى «2023 جىلعى 30 ماۋسىمداعى № 534 جول ءجۇرىسى قاعيدالارىن, كولىك قۇرالدارىن پايدالانۋعا رۇقسات بەرۋ جونىندەگى نەگىزگى ەرەجەلەردى, كولىگى ارنايى جارىق جانە دىبىس سيگنالدارىمەن جابدىقتالۋعا جانە ارنايى ءتۇستى-گرافيكالىق سحەمالار بويىنشا بويالۋعا ءتيىس جەدەل جانە ارنايى قىزمەتتەر تىزبەسىن بەكىتۋ تۋرالى» بۇيرىعىنا وزگەرىستەر مەن تولىقتىرۋلار ەنگىزۋ تۋرالى» بۇيرىققا قول قويدى.
اتالعان بۇيرىقپەن جول ءجۇرىسى قاعيدالارىنا كەلەسى ماسەلەلەردى كوزدەيتىن بىرقاتار تۇزەتۋلەر ەنگىزىلەدى:
– «ۇزىكسىز تۇتاس ءبىر سىزىقتى» (ودينارنايا سپلوشنايا لينيا) كەسىپ وتكەنى ءۇشىن جاۋاپكەرشىلىك وزگەردى.
ەندى 1.1. (جالپاق «ۇزىكسىز تۇتاس ءبىر سىزىقتى») جول بەلگىسىمەن بولىنگەن جانە (نەمەسە) 3.20. («باسىپ وزۋعا تىيىم سالىنادى») بەلگىسىمەن بەلگىلەنگەن ەكى جولاعى بار ەكى جاقتى جولعا شىعۋ, قارسى ءجۇرىس جولاعىنا شىعۋ بولىپ ەسەپتەلەدى;
– ەلدى مەكەندە اۆتوبۋستاردىڭ جىلدامدىعىن ساعاتىنا 50 كم دەيىن تومەندەدى;
– م3 (اۆتوبۋستار) ساناتىنداعى بارلىق كولىك قۇرالدارى ءۇشىن مارشرۋتتىق كولىك قۇرالدارىنا ارنالعان جولاقتىڭ قوزعالۋىنا بولادى;
– تىرەك-قيمىل اپپاراتى بۇزىلعان مۇگەدەكتىگى بار ادامداردىڭ ءۇشىنشى توبىنا جول ينفراقۇرىلىمىنا قول جەتكىزۋگە رۇقسات بەرۋ;
ماسەلەن, ەگەر بۇرىن «مۇگەدەكتىگى بار ادام» دەگەن تانمدىق بەلگىسىن كولىك قۇرالىنا تەك 1 جانە 2 توپتاعى مۇگەدەكتىگى بار ادام ورنالاستىرا الاتىن بولسا, ەندى مۇنداي بەلگىنى تىرەك-قيمىل اپپاراتى بۇزىلعان 3 توپتاعى مۇگەدەكتىگى بار ادامدار دا پايدالانا الادى.
ەستەرىڭىزگە سالا كەتەيىك, مۇنداي بەلگى مۇگەدەكتىگى بار ادامدارعا ارنايى بولىنگەن اۆتوتۇراقتاردا (مۇگەدەكتەرگە ارنالعان تۇراق), سونداي-اق تۇراققا تىيىم سالىنعان ورىنداردا توقتاۋعا باسىم قۇقىق بەرەدى;
– جاڭا جول بەلگىلەرى ەنگىزىلدى: 3.9.1. «ەلەكتروساموكات جۇرىسىنە تىيىم سالىنادى», 5.8.6ا – 5.8.6ۆ «پاراللەل جاتقان جول بولىگىنە ءوتۋ», 5.8.6گ, 5.8.6د «پاراللەل جول بولىگىنىڭ سوڭى», 5.16.3 «دياگونالدى جاياۋ جۇرگىنشىلەر وتكەلى» جانە ت. ب.;
– جاڭا تانىمدىق بەلگىلەرى ەنگىزىلدى: «ەلەكتروموبيل», «گاز باللونمەن جابدىقتالعان اۆتوكولىك».
بۇل نورمالار 2024 جىلعى 6 مامىردان باستاپ كۇشىنە ەنەدى», – دەلىنگەن ءىىم ءباسپاسوز قىزمەتى تاراتقان حابارلامادا.
