استانادا قالالىق سىبايلاس جەمقورلىققا قارسى ءىس-قيمىل دەپارتامەنتى مەن سىبايلاس جەمقورلىققا قارسى ەرىكتىلەر بىرلەسىپ, «سىبايلاس جەمقورلىققا قارسى ءموبيلدى توپ» جوباسى اياسىندا قالا تۇرعىندارىنا تەگىن زاڭ كومەگىن كورسەتتى, دەپ حابارلادى astana-akshamy.kz
حالىق اراسىندا سىبايلاس جەمقورلىقتىڭ الدىن الۋدى ءتۇسىندىرۋ ماقساتىندا ۇيىمداستىرىلعان باستاما جىل سوڭىنا دەيىن جالعاسادى.
سىبايلاس جەمقورلىققا قارسى ءىس قيمىل اگەنتتىگىنىڭ استانا قالاسى بويىنشا دەپارتامەنتىنىڭ پرەۆەنتسيا باسقارما باستىعىنىڭ ورىنباسارى ۋاليحان قۇراماەۆتىڭ سوزىنشە, ءموبيلدى توپتىڭ باستى ماقساتى حالىقتىڭ وزەكتى ماسەلەلەرىن زاڭعا سايكەس جەدەل شەشۋ.
«استانادا سىبايلاس جەمقورلىققا قارسى ۆولونتەرلىك جوباسى بىلتىر باستالدى. قازىرگى تاڭدا 209 ۆولونتەر بار. بۇل جوبا سىبايلاس جەمقورلىققا قارسى ءىس-قيمىل جانە ءتۇرلى مەكەمەلەردىڭ قىزمەتىندەگى اشىقتىقتى ارتتىرۋ سالاسىندا ماڭىزدى مىندەتتەر قويادى. ءموبيلدى توپتىڭ نەگىزگى ماقساتى ازاماتتاردىڭ زاڭ كونسۋلتاتسياسىنا قول جەتكىزۋىن قامتاماسىز ەتۋ جانە ولاردىڭ وزەكتى ماسەلەلەرىن زاڭعا سايكەس جەدەل شەشۋ. بۇگىن وسى جوبا اياسىندا ادۆوكاتتار مەن زاڭگەرلەرلەر جانە قۇقىق قورعاۋ ورگاندارىنىڭ قىزمەتكەرلەرىنەن تۇراتىن ءموبيلدى توپ حالىققا تەگىن زاڭ بويىنشا قۇقىقتىق كەڭەس بەرۋدى باستادى. الداعى ۋاقىتتا قالامىزداعى قالعان 4 اۋداندا وسىنداي جيىن وتكىزەمىز. جالپى بۇل باستاما جىل سوڭىنا دەيىن جالعاسادى», – دەيدى ول.
ءموبيلدى توپ سارىارقا اۋدانىندا ورنالاسقان ءىرى ساۋدا ويىن-ساۋىق ورتالىعىندا بولدى. ولار ەلوردالىقتاردى قابىلداپ, سۇراقتارىنا جاۋاپ بەردى. ءوزىن مازالاعان ساۋالدارعا جاۋاپ العانداردىڭ ءبىرى – اينۇر الپىسباەۆا.
«بۇل باستاما ەلوردالىقتار ءۇشىن ۇلكەن مۇمكىندىك دەپ ويلايمىن. سەبەبى بۇل جەردە ناقتى سالا ماماندارى وتىر. ولار تۇرعىندارعا تەگىن كەڭەس بەرىپ جاتىر. مىسالى مەن الدىمەن ادۆوكاتتان كەڭەس الىپ, ءارى قاراي زاڭگەرمەن سويلەستىم. ولار سۇراعىم بويىنشا بارلىعىن ءتۇسىندىرىپ, ماسەلەنى شەشۋ ءۇشىن ءارى قاراي نە ىستەۋ كەرەك تۋرالى نۇسقاۋلىق بەردى. كەزدەيسوق كورىپ قالىپ, ءوز سۇراعىما جاۋاپ العانىما قۋانىشتىمىن», – دەيدى ەلوردالىق ا. الپىسباەۆا.
