ەلوردادا «1 مامىر – قازاقستان حالقىنىڭ بىرلىگى كۇنىنە» وراي بىرقاتار مادەني ءىس-شارالار جوسپارلانىپ وتىر, دەپ حابارلايدى astana-akshamy.kz
ولاردىڭ اراسىندا ءتۇرلى چەللەندجدەر, كونتسەرتتەر, دوڭگەلەك ۇستەلدەر بار.
30 ساۋىردە ەۋرازيالىق گۋمانيتارلىق كوللەدجدە قازاقستان حالقىنىڭ بىرلىگى كۇنىن مەرەكەلەۋگە ارنالعان تاقىرىپتىق كۋراتورلىق ساعاتتار, «بار بەرەكە – بىرلىكتە!» دوڭگەلەك ۇستەلى جوسپارلانعان.
ل.ن. گۋميلەۆ اتىنداعى ەۇۋ-دا, سونداي-اق بىرنەشە كوللەدجدە قحا مۇشەلەرىنىڭ قازاقستان حالقىنىڭ بىرلىگى كۇنىنە ارنالعان وقۋ ورىندارىنداعى دارىستەرى وتەدى.
«جەلەزنودوروجنىي» تۇرعىن الابىندا 30 ءساۋىر كۇنى مەكتەپ وقۋشىلارى اراسىندا «تاتۋلىق مەكەنى» اتتى سۋرەت بايقاۋى وتەدى.
ءدال وسى كۇنى №1 جانە №3 بالالار مۋزىكالىق مەكتەبىندە كونتسەرتتىك ءىس-شارالار جوسپارلانىپ وتىر.
بۇل كۇنى ل.ن. گۋميلەۆ اتىنداعى ەۇۋ-دا قازاقستان حالقىنىڭ بىرلىگى كۇنىنە ارنالعان دوڭگەلەك ۇستەل, «كوپتىلدىلىك قازاقستاندىق ءبىلىم بەرۋ ءۇردىسى رەتىندە» بليتس ءتۋرنيرى, سول سياقتى «جانسايا» الەۋمەتتىك قىزمەت كورسەتۋ ورتالىعىندا قىزمەت الۋشىلارعا, اتا-انالارعا, قىزمەتكەرلەرگە ارنالعان كونتسەرت وتەدى.
سول سياقتى 30 ءساۋىر كۇنى «ءۇمىت» داعدارىس ورتالىعىندا, «قامقور» الەۋمەتتىك قىزمەت كورسەتۋ ورتالىعىندا, «شاراپات» الەۋمەتتىك قىزمەت كورسەتۋ ورتالىعىندا, «جانۇيا» وتباسى ينستيتۋتىن قولداۋ ورتالىعىندا, «نۇرلى جۇرەك» الەۋمەتتىك قىزمەت كورسەتۋ ورتالىعىندا, بەلسەندى ۇزاق ءومىر ءسۇرۋ ورتالىعىندا كونتسەرتتەر, ۇلتتىق ويىنداردىڭ فەستيۆالىن, سۋرەت كونكۋرسىن وتكىزۋ جوسپارلانىپ وتىر.
ال 30 ءساۋىر مەن 1 مامىر كۇندەرى جازۋشىلار اللەياسىندا الەمنىڭ ءارتۇرلى تىلدەرىندەگى ولەڭدەردى مانەرلەپ وقۋ ءىس-شاراسى وتەدى. سول سياقتى ءدال وسى اللەيادا «ءبىر شاڭىراق استىندا» اسفالتقا سۋرەت سالۋ بايقاۋى, «كىتاپ قالا» كىتاپحاناسى نەگىزىندە «ىنتىماعى جاراسقان تۋعان ولكەم – قازاقستان» تاقىرىبىندا كىتاپ كورمەسى, بايقوڭىر اۋدانىنىڭ كىشكەنتاي تۇرعىندارى اراسىندا كوڭىلدى ستارتتار وتەدى.
30 ءساۋىر كۇنى قازاق تەحنولوگيا جانە بيزنەس ۋنيۆەرسيتەتىندە دوڭگەلەك ۇستەل, ءال-فارابي اتىنداعى وقۋشىلار سارايىندا «دوستىق كەرۋەنى» تەاترلاندىرىلعان-حورەوگرافيالىق كومپوزيتسياسى, ورتالىقتاندىرىلعان كىتاپحانالار جۇيەسىندە «دوستىعى جاراسقان ەل» اتتى ستۋدەنتتەرمەن دوڭگەلەك ۇستەل وتەدى.
بۇل كۇنى بوگەنباي داڭعىلى مەن جەڭىس داڭعىلىنىڭ قيىلىسىنداعى «اقجايىق» ساياباعىندا ەتنومادەني بىرلەستىكتەر مۇشەلەرىنىڭ قاتىسۋىمەن اعاش وتىرعىزۋ ءىس-شاراسى وتەدى.
1 مامىر كۇنى قالا بويىنشا «باۋىرساق بىرىكتىرەدى» (باۋىرساق تاراتۋ) مەرەكەلىك شاراسىن وتكىزۋ جوسپارلانىپ وتىر.
ءا.مامبەتوۆ اتىنداعى كومەديا-دراما تەاترىندا «اقان سەرى» قويىلىمىنىڭ پرەمەراسى, «جاستار» سارايىندا «سارايىمىزدىڭ بالالارى» كونتسەرتى وتسە, «الجير» مەموريالدىق-مۇراجاي كەشەنىندە «ۇلت بىرلىگى – ۇلى بايلىق» كورمەسى, س.سەيفۋللين اتىنداعى مۇراجايدا «بىرلىك ءتۇبى – بەرەكە» كورمەسى, م.وتەمىسۇلى اتىنداعى وقۋشىلار سارايىندا «بىرلىگى جاراسقان قازاقستان!» كورمەسى وتەدى.
ب.مومىشۇلى, 5 مەكەنجايىنداعى وقۋشىلار سارايىندا مەرەكەگە ارنالعان بىرقاتار ءىس-شارا قولعا الىنباق. سول سياقتى №42 ورتا مەكتەپتە «بەيبىتشىلىك پەن كەلىسىم تىلەيمىز» مەيراممەن قۇتتىقتاۋ چەللەندج اكتسياسى ء(ارتۇرلى ەتنوس وكىلدەرىنىڭ قاتىسۋىمەن) ۇيىمداستىرىلادى.
بۇل كۇنى قازاق ۇلتتىق حورەوگرافيا اكادەمياسىندا «ىنتىماعى جاراسقان قازاقستان» دوڭگەلەك ۇستەلى جوسپارلانىپ وتىر.
