ەل تىنىسى
1 مامىردان باستاپ استانا اۋەجايى جابىلادى
استانا اۋەجايى 1 مامىردان باستاپ رەيستەردى توقتاتادى, دەپ حابارلايدى astana-akshamy.kz
«استانا حالىقارالىق اۋەجايىندا ۇشۋ-قونۋ جولاعىنا كۇردەلى جوندەۋ جۇرگىزىلۋىنە بايلانىستى 2024 جىلعى 1 مامىردان باستاپ جۇمىس اياقتالعانعا دەيىن اۋە ايلاعى جەرگىلىكتى ۋاقىت بويىنشا ساعات 22:00-دەن 6:00-گە دەيىنگى كەزەڭدە اۋە كەمەلەرىن قابىلداۋ جانە جىبەرۋ ءۇشىن جابىق بولادى», – دەلىنگەن حابارلامادا.
سوعان سايكەس, اۆياكومپانيالاردىڭ استانادان نەمەسە استاناعا قاتىنايتىن بەلگىلى ءبىر رەيستەرىنىڭ كەستەسىندە وزگەرىستەر بولۋى مۇمكىن.
«ۇشۋ نەمەسە قارسى الۋ جونىندە وزەكتى اقپارات الۋ ءۇشىن اۋە تاسىمالداۋشىلارىنا حابارلاسۋدى سۇرايمىز», – دەپ حابارلايدى اۋەجايدىڭ ءباسپاسوز قىزمەتى.