ازاماتتىق قوعام – مەملەكەتتىڭ قوزعاۋشى كۇشى. وزىق ەلدەردىڭ تاجىريبەسىنەن وسىنى كورۋگە بولادى. پرەزيدەنت قاسىم-جومارت توقاەۆ ازاماتتىق قوعامدى دامىتۋ تەتىگىنىڭ ءبىرى – «حالىق ۇنىنە قۇلاق اساتىن مەملەكەت» تۇجىرىمداماسى ازاماتتاردىڭ شەشىم قابىلداۋ ءۇردىسى مەن ماڭىزدى مەملەكەتتىك ساياساتتى ازىرلەۋگە قاتىسۋىنا مۇمكىندىك بەرەدى دەدى. بۇل اتقارۋشى بيلىك پەن حالىق اراسىنداعى قارىم-قاتىناستى ارتتىرىپ, ماسەلەلەردىڭ ۋاقىتىلى ءارى ساپالى شەشىلۋىنە اسەر ەتەدى.
استانا قالاسىندا №8 سايلاۋ وكرۋگىنەن سايلانعان دەپۋتات رەتىندە قالا تۇرعىندارىنىڭ ۇسىنىس-تالابىن ورىنداۋعا باسىمدىق بەرىپ كەلەمىن. 2023 جىلدان باستاپ وكرۋگ اۋماعىنداعى مەكەمەلەر مەن تۇرعىن ۇيلەردى ارالاپ, جەكە قابىلداۋىمدا 75 ازاماتپەن پىكىر الماستىم. تۇرعىندار دەنساۋلىق ساقتاۋ, جول ساپاسىن ارتتىرۋ, اۋلالاردى جۇيەلى اباتتاندىرۋ جانە تاعى باسقاسى تۋرالى ايتادى.
بايقوڭىر اۋدانى اكىمدىگى ۇيىمداستىرعان اشىق ەسىك كۇنى اياسىندا وتكەن كەزدەسۋلەردە 65 تۇرعىنمەن پىكىرلەسىپ, نەگىزگى ماسەلەلەرىن ءبىلدىم. ال Amanat پارتياسىنىڭ قوعامدىق قابىلداۋىندا 25 ادامدى قابىلدادىم. ونىڭ 22-ءسى وڭ شەشىمىن تاپسا, 3-ەۋى بويىنشا جۇمىس ىستەۋدەمىن.
الەۋمەتتىك جەلىدە جانە ەلەكتروندى مەكەنجايىما تۇسەتىن شاعىمدار دا از ەمەس. شاعىمدار مەن ۇسىنىستار ارقاشان بولۋ كەرەك, ال مەنىڭ اتىما تۇسكەن وتىنىشتەر بويىنشا 25-تەن اسا دەپۋتات ساۋالى جىبەرىلدى. ءار ساۋال بەكىتىلىپ, جاۋاپقا يە بولادى.
قالا تۇرعىندارىنا دەمالىس ورىندارى – سكۆەر, بۋلۆار, ساياباقتار مەن اۋلالار جايلىلىق, ىڭعايلىلىق سىيلادى. №8 سايلاۋ وكرۋگى اۋماعىندا 239 اۋلا بار, ونىڭ 180-ءى اباتتانعان. كەزەڭ-كەزەڭىمەن «حالىق قاتىساتىن بيۋدجەت» جوباسى اياسىندا وزگە اۋلالاردى اباتتاندىرۋ جۇمىسى جۇرگىزىلە بەرەدى
سايلاۋشىلار ۇسىنىسىنىڭ ناقتى ورىندالعانىنا توقتالسام, №31 مەكتەپ جانىندا كەنەسارى داڭعىلى بويىندا ايالداما ورناتىلدى. بۇل جەردە №9 اۆتوبۋس قاتىنايدى.
جامبىل جاباەۆ اتىنداعى №4 مەكتەپ-گيمنازيا اۋماعىنا قورشاۋ ورناتۋدى اتا-انالار مەن ۇستازدار ءوتىنىش ەتتى. بۇل ماسەلە وقۋشىلاردىڭ قاۋىپسىزدىگى ءۇشىن ماڭىزدى. سوندىقتان ءمان بەرىپ, اتقارۋشى بيلىكپەن بىرگە شەشتىك.
مەملەكەت جانە قوعام قايراتكەرى جۇمابەك تاشەنەۆ اتىنداعى كوشە – ەلوردانىڭ نەگىزگى كۇرە تامىرىنىڭ ءبىرى. سول جانە وڭ جاعالاۋعا قاتىنايتىن كولىكتەر كوشەمەن كوپ جۇرەدى. ال تازا اۋانى قامتاماسىز ەتۋدە جانە تۇرعىنداردىڭ دەمالۋى ءۇشىن باقشاعا سۇرانىس جوعارى. وسى كوشەنىڭ 9/2 مەكەنجايىندا باقشا بار.
سونداي-اق «فورتۋنا» تۇرعىن الابىندا بالالارعا ارنالعان ويىن الاڭى جونگە كەلتىرىلىپ, №1 «بايتەرەك» بالاباقشاسىنىڭ اۆتوتۇراق ماسەلەسى شەشىلدى. عۇمار قاراش كوشەسى, 76 مەكەنجايى بويىنشا ەسكىرگەن قۇرىلىس نىسانى وڭ شەشىمىن تاپتى.
بيىل №27 مەكتەپ-ليتسەيدىڭ 600 ورىندىق قوسىمشا نىسانىن اياقتاۋ جوسپارلانۋدا. قۇرىلىس جۇمىستارى ۇدايى باقىلاۋىمدا.
قالا تۇرعىندارىنا دەمالىس ورىندارى – سكۆەر, بۋلۆار, ساياباقتار مەن اۋلالار جايلىلىق, ىڭعايلىلىق سىيلادى. №8 سايلاۋ وكرۋگى اۋماعىندا 239 اۋلا بار, ونىڭ 180-ءى اباتتانعان. كەزەڭ-كەزەڭىمەن «حالىق قاتىساتىن بيۋدجەت» جوباسى اياسىندا وزگە اۋلالاردى اباتتاندىرۋ جۇمىسى جۇرگىزىلە بەرەدى.
ارينە, حالىقتىڭ ساپالى ءومىر ءسۇرۋ سالتىنا دەگەن سۇرانىسى ارتقان سايىن جاڭا باستامالار الدىمىزدان شىعا بەرەدى. ءومىر زاڭى – وسىلاي. دەپۋتات رەتىندە جەرگىلىكتى اتقارۋشى بيلىكپەن بىرلەسە ماسەلەلەردىڭ وڭ شەشىلۋىنە ۇلەس قوسىپ, حالىق قىزمەتشىسى بولىپ ءجۇرۋدى مۇرات ەتەمىز. ويتكەنى حالىق تىلەگى – قاپىسىز تىلەك.
قانات ەستەك, استانا قالاسى
ءماسليحاتىنىڭ دەپۋتاتى
