ءال-فارابي اتىنداعى قازۇۋ-دىڭ 90 جىلدىق مەرەيتويىنا وراي حالىقارالىق «تۇركسوي» تۇركى مادەنيەتى ۇيىمى مەن تەحنولوگيالاردى كوممەرتسيالاندىرۋ جانە كرەاتيۆتى يندۋستريا ورتالىعىنىڭ قولداۋىمەن تۇركى الەمى ەلدەرىنىڭ كينو جانە مەديا فاكۋلتەتتەرىنىڭ ستۋدەنتتەرىنە ارنالعان «Farabi Film Festival» كينوفەستيۆالى جۇمىسىن باستادى.
شاراعا قازاقستان, قىرعىزستان, وزبەكستان, تۇركيا, ازەربايجان جانە تۇرىكمەنستاننان ستۋدەنتتەر, وقىتۋشىلار مەن كينوماتوگرافتار قاتىستى.
سالتاناتتى شارانى باسقارما مۇشەسى – عىلىمي-يننوۆاتسيالىق قىزمەت جونىندەگى پرورەكتورى جاميلا نۇرماتقىزى ايتجانوۆا قۇتتىقتاۋ سوزبەن اشىپ, العاش رەت وتكەن فەستيۆال جۇمىسىنا تابىس تىلەپ, تۇركىتىلدەس ەلدەردىڭ كينو جانە ونەر ماماندىعى بويىنشا ءبىلىم الىپ جۇرگەن ستۋدەنتتەردىڭ ەتنوگرافيالىق دەرەكتى فيلم, كينوەسسە, كينو-باقىلاۋ, پورترەت, ەكسپەريمەنتالدى فيلم, دوكۋفيكشەن, دوكۋمەنتالدى انيماتسيا جانرلارىندا 70-كە جۋىق تۋىندىلارى قابىلدانعانىن اتاپ ءوتتى.
جاس كينوگەرلەردى قولداۋ مەن ولاردىڭ كاسىبي دامۋىنا ارنالعان كينوفەستيۆال وتكىزۋدى داستۇرگە اينالدىرۋ تۇركى حالىقتارى اراسىنداعى دوستىقتى ناسيحاتتاۋعا ۇلەس قوسادى.
«تۇركسوي» تۇركى مادەنيەتى ۇيىمى باس حاتشىسىنىڭ ورىنباسارى سايد يۋسۋف ءال-فارابي اتىنداعى قازاق ۇلتتىق ۋنيۆەرسيتەتىنىڭ 90 جىلدىق مەرەيتويىمەن قۇتتىقتاي كەلە, تۇركى وركەنيەتى ءبىزدىڭ عانا وركەنيەتىمىز ەمەس, تۇتاس ادامزاتتىڭ وركەنيەتى. سوندىقتان تۇركى تىلدەس مەملەكەتتەرى كينوونەرى ارقىلى انا ءتىلىن, تاريحىن, مادەنيەتىن جانە سالت-ءداستۇرىن الەمگە تانىتۋى ءتيىس دەپ تۇجىرىمدادى. وش مەملەكەتتىك ۋنيۆەرسيتەتى كينواكادەميا ءبولىمىنىڭ وقىتۋشى-وپەراتورى اكيمباي كاپاروۆ ۋنيۆەرسيتەتتىڭ 90 جىلدىق مەرەيتويىنا فاكۋلتەت ستۋدەنتتەرىنىڭ ارنايى سىيى – الاتاۋ تابيعاتى بەينەلەنگەن كارتينانى سىيعا تارتتى. العاش رەت تۇركى تىلدەس ەلدەرى اراسىندا ستۋدەنتتەردىڭ فەستيۆالىنە ودان ارى ارى جالعاسىن تاۋىپ, ورتالىق ازيادا قاناتىن كەڭگە جايۋيىنا تىلەكتەستىك ءبىلدىردى.
شارا بارىسىندا جەڭىمپازدار تۇركسوي جانە ءال-فارابي اتىنداعى قازۇۋ اتىنان سىيلىقتار مەن ديپلومدارمەن ماراپاتتالدى. قىرعىز-تۇرىك ماناس ۋنيۆەرسيتەتىنىڭ ستۋدەنتى ساادات كازاكباەۆا «اقشامداعى قوڭىراۋ» فيلمى ءۇشىن قازۇۋ-دىڭ باس جۇلدەسىن, تۇركمەنستان كينوفاكۋلتەتى ستۋدەنتتەرىنىڭ جەتەكشىسى-رەجيسسەر يسكاندەرمۋحامەد اننامۋحامەدوۆ «دۋتار اۋەزى» ءفيلمى ءۇشىن تيۋركسوي باس جۇلدەسىن يەلەندى. فەستيۆال نوميناتتارى اراسىندا قازاقستان, تۇركيا, ازەربايجان, وزبەكستاننان كەلگەن جەڭىمپازدار يەلەندى.
ءال-فارابي اتىنداعى قازاق ۇلتتىق ۋنيۆەرسيتەتى ستۋدەنتتەرى دياس يۋسۋفتىڭ «Boyau», ادنان ءال-حاتتابتىڭ «Hasib Untold Story», ولجاس پاۆليكتىڭ «قازۇۋ: تاريح پەن ءبىلىم مەكەنى» اتتى فيلمدەرى ەرەكشە دەپ تانىلدى. 2021 جىلى قازۇۋ-دا «كينو&مەديا» ءبىلىم بەرۋ باعدارلاماسى اشىلىپ, شىعارماشىلىق شەبەرلىك, كرەاتيۆتى ءونىم جاساۋعا قابىلەتتى كينو جانە مەديا سالاسىنداعى سۇرانىسقا يە كادرلاردى دايارلاۋدا.
فەستيۆال قوناقتارى مۇرات ەسجان, وتەگەن نارتاي, بەرتىس دياس, اكۋنوۆا ارۋنا, ۋۆالجانوۆا ءاليا سياقتى تانىمال كينەماتوگرافيستەر ستۋدەنتتەرگە ارناپ شەبەرلىك سىنىپتارىن وتكىزدى. فەستۆيالدىڭ مادەني باعدارلاماسى ءال-فارابي اتىنداعى قازۇۋ كامپۋسىنا, «قازاقفيلم» كينوستۋدياسىنا, الماتى قالاسى مۋزەيلەرىنە تۋرمەن جالعاستى.
كورەرمەننىڭ كوزايىمى بولعان, جۇرەگىنە جول تاپقان بىرقاتار تۋىندىلار تۇركى وركەنيەتىنىڭ ماڭگىلىك قۇندىلىعىنا اينالماق. اتالمىش باستاما الداعى جىلدارى جالعاسىن تاۋىپ, دارىندى كينوگەرلەر مەن جاس رەجيسسەرلەردىڭ ونەردەگى العاشقى باسپالداعىنا اينالادى دەپ سەنەمىز.
گۇلميرا سۇلتانباەۆا
