«رۋحانيات» كوممۋنالدىق مەملەكەتتىك مەكەمەسى ەلوردا سيمۆولى «استانا – بايتەرەك» مونۋمەنتىندە «الاش رۋحى جانە قازاق ءتىلى» اتتى تاريحي-تانىمدىق ءىس-شاراسىن وتكىزدى.
الاش ارىستارىنىڭ سۋرەتتەرى مەن قاناتتى سوزدەرىنەن فوتوگالەرەيا ۇيىمداستىرىلدى. استانا قالاسى تىلدەردى دامىتۋ جانە ارحيۆ ءىسى باسقارماسىنىڭ ءتىل ساياساتىن ۇيلەستىرۋ ءبولىمىنىڭ باس مامانى گاۋھار ارىستانقىزى ەل ىشىندە اتالىپ جاتقان الاش قايراتكەرلەرىنىڭ مەرەيتويلارى مەن ءتىلىمىزدىڭ قوعامداعى ورنى جايلى پىكىرىن ايتتى. «رۋحانيات» مەكەمەسىنىڭ باسشىسى ءادىل ورىنباسارۇلى مەن «استانا – بايتەرەك» مونۋمەنتى مەكەمەسىنىڭ باسشىسى نۇرجۇما جۇمابەكۇلى ءسوز سويلەپ, الاش ارىستارىنىڭ ءتىلىمىزدىڭ وركەندەۋىنە زور ۇلەس قوسقاندىعىن اتاپ ءوتتى. «رۋحانيات» مەكەمەسىنىڭ قىزمەتكەرى, اقىن سەرىك رىسبەكۇلى «ارىستار – ەلدىڭ ارداعى» اتتى رۋحتى ولەڭىن وقىدى. «رۋحانيات» مەكەمەسىنىڭ تىلدەردى وقىتۋ جانە ادىستەمەلىك جۇمىستار ءبولىمىنىڭ ۇستازى, فيلولوگيا عىلىمدارىنىڭ كانديداتى جۇپار كەنجەتايقىزى الاش ارىستارىنىڭ ءتىل جونىندە ايتقان قۇندى ويلارى مەن ناقىل سوزدەرىنە, ەلگە ەسىمدەرى ءماشھۇر تۇلعالاردىڭ ەڭبەكتەرىنە عىلىمي نەگىزدە شولۋ جاساپ, ارىستار تۋرالى تىڭ دەرەكتەردى اڭگىمەلەپ بەردى.
«رۋحانيات» مەكەمەسىنىڭ قىزمەتكەرلەرى ايجان سەرىكقىزى اقيىق اقىن ماعجان جۇمابايدىڭ شىعارماشىلىعىنا توقتالىپ, اقىننىڭ «قازاق ءتىلى» ولەڭىن, ازامات نازاربايۇلى كورنەكتى جازۋشى, اقىن جۇسىپبەك ايماۋىتۇلىنىڭ «الاش مارشى» ولەڭدەرىن وقىدى. ءادىل ورىنباسارۇلى تاريحي-تانىمدىق كەشتى قورىتىندىلاپ, «استانا – بايتەرەك» مونۋمەنتىنىڭ باسشىسى نۇرجۇما جۇمابەكۇلىنا العىس حات تابىستادى.
