ەلوردادا Nur Otan پارتياسى اتىنان ءماسليحات دەپۋتاتتىعىنا ۇمىتكەرلەر «استانا» مەديتسينا ۋنيۆەرسيتەتىنىڭ ستۋدەنتتەرىمەن ونلاين جۇزدەستى. ناسيحات جۇمىستارى اياسىندا ۇيىمداستىرىلعان جيىندا نۇروتاندىقتار اتالمىش سالاداعى تۇيتكىلدى ماسەلەلەردى تالقىلاپ, بولاشاق مامانداردى قىزىقتىرعان ساۋالدارعا جاۋاپ بەردى.
جيىنعا قاتىسقان م.نارىكباەۆ اتىنداعى قازاق گۋمانيتارلىق-زاڭ ۋنيۆەرسيتەتىنىڭ رەكتورى ت.نارىكباەۆ, جەكە سوت ورىنداۋشىسى ت.مامىقانوۆ, كاسىپكەر, «وتباسى بانكىنىڭ» كەڭەسشىسى م.اجيكەنوۆا, №17 مەكتەپ-گيمنازياسىنىڭ ديرەكتورى ر.ومىرباەۆا پارتيانىڭ سايلاۋالدى باعدارلاماسىمەن تانىستىرىپ, جوعارى وقۋ ورىندارىنداعى ءبىلىم ساپاسىن ارتتىرۋ ماسەلەسىن ورتاعا سالدى.
– ءبىلىم بەرۋ سالاسى مەن ءۇشىن ءجىتى تانىس. بىزدەگى دارىگەرلەردىڭ جالاقىسى تومەن. وسى ماسەلە باستى نازارعا الىنادى. مەديتسينا ماماندارىنىڭ مارتەبەسىن ارتتىرۋ كەرەك. بارشاڭىزدى Nur Otan پارتياسىنا داۋىس بەرۋگە شاقىرامىن, – دەدى ت.نارىكباەۆ.
سونىمەن قاتار كەزدەسۋدە الەۋمەتتىك سالا ماماندارىنا قولداۋ كورسەتۋ ماسەلەسى كوتەرىلدى. «مەكتەپ باسقارىپ كەلە جاتقانىما 25 جىلدان استى. ال 20 جىلدان بەرى Nur Otan پارتياسىنىڭ مۇشەسىمىن. پارتيا ادام قۇندىلىقتارىن العا قويادى. حالىققا قولايلى جاعداي جاساۋدى ماقسات ەتەدى. الەۋمەتتىك, گازداندىرۋ ماسەلەلەرى باعدارلاماعا ەنگەن. ءبىلىم بەرۋ, دەنساۋلىق ساقتاۋ سالاسىنىڭ شەشىلۋى ءتيىس ماسەلەلەرى كوپ. الەۋمەتتىك سالا ماماندارىنا قولداۋ كورسەتۋ كەرەك. سونىمەن قاتار ەڭبەك ادام ومىرىنە قاۋىپ توندىرمەۋى قاجەت» دەدى رامزيا ومىرباەۆا.
«وتباسى بانكىنىڭ» كەڭەسشىسى م.اجيكەنوۆا جاستار مەن وقىتۋشىلاردى باسپانا الۋدىڭ جولدارىمەن تانىستىرىپ, Nur Otan پارتياسىنا داۋىس بەرۋگە شاقىردى. «10 جىلدان بەرى تۇرعىن ءۇي ماسەلەسى بويىنشا كەڭەسشىمىن. باسپانا الۋدىڭ, مەملەكەتتىك باعدارلامالارعا قاتىسۋ جولدارىن جالپاق تىلمەن قاراپايىم حالىققا جەتكىزگىم كەلەدى. جاستاردىڭ باسپانالى بولۋى ءۇشىن قانشاما تۇرعىن ءۇي سالىنۋدا. جاستارىمىزدى نەسيەگە بايلاپ قويۋ دۇرىس ەمەس. سوندىقتان الداعى جىلى «نۇر-سۇلتان جاستارى» اتتى جاستارعا ارنالعان باعدارلاما ىسكە قوسىلادى. ءبىلىم مەن مەديتسينا سالاسىنا دا كوپ كوڭىل بولەمىز. بىزگە داۋىس بەرىڭىزدەر» دەدى ول.
نۇر-سۇلتان قالاسىنداعى Nur Otan پارتياسى سايلاۋ قورىنىڭ قاراجاتىنان تولەندى.