قار ۇستىنە قۇم جايدى
ارسلان اتىعاەۆ:
– بۇل – پەتروۆ كوشەسى, 19/1 مەكەنجايىنداعى تۇرعىن ءۇي اۋلاسىنداعى بالالار الاڭى. بيۋدجەت قارجىسىن يگەرگەن تۇرلەرى مە ەكەن, ايتەۋىر, قۇمدى قاردىڭ ۇستىنە توگىپ تاستاپتى. «21-عاسىرداعى قانداي كەرەمەت جۇمىس – بۇل؟»
الماتى اۋدانى اكىمدىگى:
– قۇرمەتتى ارسلان اتىعاەۆ! بالالار الاڭدارىن اباتتاندىرۋ بويىنشا پەتروۆ كوشەسىندەگى 19/1-ءۇي اۋلاسىنىڭ جۇمىسى اياقتالدى. فوتوماتەريال ۇسىنىلادى. قالانى جاقسارتۋعا قوسقان ۇلەسىڭىز ءۇشىن العىس بىلدىرەمىز.
باستادى دا تاستادى
پەتر چەرنيگا:
– قايىرلى كۇن! پوتانين كوشەسىنىڭ بويىنداعى, ياعني «دينامو» سپورت كەشەنىنىڭ ماڭىنداعى كارىز قۇدىعىنا جوندەۋ جۇرگىزىلگەن بولاتىن. بىراق باستاعان ءىستى كەيىنگە قالتىرعان با, اياقتاماپتى. وسىنى رەتتەسەڭىزدەر.
سارىارقا اۋدانى اكىمدىگى:
– قۇرمەتتى پەتر چەرنيگا! ءسىزدىڭ ەسكەرتۋىڭىز بويىنشا جۇمىس جۇرگىزىلدى. نازارىڭىزعا فوتوماتەريال ۇسىنامىز. حابارلاسقانىڭىزعا راقمەت!
ۇيىمىزگە كىرە الماي الەكپىز
مارينا گورباس:
– قايىرلى كۇن! قوبىلاندى باتىر كوشەسىنىڭ بويىنداعى ۇيدە تۇرامىن. كوكتەمدە اۋلامىزعا اباتتاندىرۋ جۇرگىزىلىپ, كولىككە ارنالعان تۇراق جاسالىپ, فۋتبول الاڭى قورشالعان بولاتىن. بىراق قۋانىشىمىز ۇزاققا سوزىلمادى. شىلدە ايىندا قۇبىر جاڭارتىلادى دەپ ماڭايىمىزدا قازۋ جۇمىستارى باستالدى. ۇيىلگەن توپىراقتان كولىك تۇراعى مەن فۋتبول الاڭى تارىلىپ قالدى. سودان بەرى ءالى كۇنگە دەيىن سولاي تۇر. قازىر كولىكپەن وتپەك تۇگىلى بۇل جەرمەن جاياۋ ءجۇرۋدىڭ ءوزى مۇڭ. اينالانىڭ ءبارى لاي-باتپاق. قالالىق اكىمدىك وسىعان نازار اۋدارسا ەكەن.
وتىن-ەنەرگەتيكالىق كەشەن جانە كوممۋنالدىق شارۋاشىلىق باسقارماسى:
– قۇرمەتتى مارينا گورباس! ءسىزدىڭ ەسكەرتۋىڭىز بويىنشا اسفالت توسەۋ, قالپىنا كەلتىرۋ جۇمىستارى جۇرگىزىلدى. دالەل رەتىندە فوتوماتەريال ۇسىنىلادى. بەلسەندىلىك تانىتقانىڭىز ءۇشىن العىس بىلدىرەمىز.
كورمەيىن دەسەڭ, كورنەكتى جەر
رۇستەم جانسەيىتوۆ:
– «ۇرلى جول». ادام اياعى ۇزىلمەيتىن بەتكە ۇستار ۆوكزالداعى بۇل اتاۋ كوزگە تۇرپىدەي كورىنەدى ەكەن.
iKomek قالالىق مونيتورينگ جانە جەدەل ارەكەت ەتۋ ورتالىعى:
– قۇرمەتتى رۇستەم جانسەيىتوۆ! ەسكەرتۋ بويىنشا جۇمىس جۇرگىزىلدى. فوتوماتەريال ۇسىنىلادى. قالا ومىرىنە بەي-جاي قاراماعانىڭىز ءۇشىن العىس بىلدىرەمىز.
ايالدامادا اقاۋ بار
Erulan Baidualiev:
– سالەمەتسىز بە. بۇگىن «جاعالاۋ-3» ايالداماسىنان كابەلدىڭ شۇباتىلىپ جاتقانىن بايقادىم.
كولىك جانە جول-كولىك ينفراقۇرىلىمىن دامىتۋ باسقارماسى:
– قۇرمەتتى Erulan Baidualiev! بۇل ايالداماداعى اقاۋلاردى جويۋ جۇمىسى جۇرگىزىلدى. نازارىڭىزعا فوتوماتەريالدى ۇسىنامىز. حابارلاسقانىڭىزعا راقمەت!
بالاباقشا ماڭى «بىت-شىت»
O_p_t_i_m_u_s__p_r_i_m_e:
– «شىعىس» تۇرعىن ءۇي كەشەنىنىڭ جانىنداعى, ياعني ە12 كوشەسى, 4 ءۇي مەكەنجايىنداعى «زياتكەر» بالاباقشاسىنىڭ ماڭايى لاس بوپ جاتىر. تەز ارادا تازالىق جۇمىستارىن جۇرگىزۋلەرىڭىزدى تالاپ ەتەمىز.
ەسىل اۋدانى اكىمدىگى:
– قۇرمەتتى قالا تۇرعىنى! ءسىز ايتقان مەكەنجاي بويىنشا تازالىق جۇمىستارى ءجۇرگىزىلدى. دالەل رەتىندە مىنا سۋرەتتى ۇسىنامىز. بەلسەندىلىك تانىتقانىڭىز ءۇشىن راقمەت!
جول جوندەگەنىن قايتەيىن, تاس توسەمەدى
Valentina Deiger:
– ءتيىستى مەكەمەلەرگە حابارلاسقانىمىزدان كەيىن ارالقۇم كوشەسىنىڭ جولى جوندەلگەن بولدى. بىراق ونىڭ بەتىنە تاس توسەۋدى ۇمىتىپ كەتكەن بە؟ قازىر جول ۇستىندە شاعىن ءۇيىندى جاتىر. «بىرەۋ-مىرەۋ تەگىستەيتىن شىعار» دەگەن ويمەن وسى ماڭنىڭ تۇرعىندارى سول جەرگە كۇل-قوقىستارىن توگىپ جاتىر. بۇل جۇمىستى دەرەۋ اياقتاۋلارىڭىزدى سۇرايمىز.
الماتى اۋدانى اكىمدىگى:
– قۇرمەتتى Valentina Deiger! ءسىزدىڭ شاعىمىڭىز بويىنشا جۇمىس جۇرگىزىلدى. جول ۇستىندە ءۇيىلىپ تۇرعان تاس توسەلدى. دالەل رەتىندە فوتوماتەريال ۇسىنىلىپ وتىر. بەلسەندىلىك تانىتقانىڭىز ءۇشىن راقمەت!
دەرەكتەر iKomek قالالىق مونيتورينگ جانە جەدەل ارەكەت ەتۋ ورتالىعىنان ىرىكتەلىپ الىندى.
