سارىارقا اۋدانىنىڭ پروكۋراتۋراسى «نۇر وتان» پارتياسىمەن بىرلەسىپ, اشىق ەسىك كۇنىن وتكىزدى. وعان 50-گە جۋىق ەلوردا تۇرعىندارى قاتىسىپ, وزدەرىن تولعاندىرىپ جۇرگەن سۇراقتارعا جاۋاپ الدى.
«نۇر وتان» حالىقتىق دەموكراتيالىق پارتياسى ورتالىق اپپاراتىنىڭ قوعامدىق قابىلداۋ بولمەسىنىڭ مەڭگەرۋشىسى جۇماجان جۇكەنوۆتىڭ ايتۋىنشا, شارا بارىسىندا قويىلعان حالىقتىڭ ءاربىر سۇراعى نازاردان تىس قالمايدى. ماسەلەن, 2016 جىلى قوعامدىق قابىلداۋ بولمەسىنە 220 مىڭنان استام ادام حابارلاسقان. ال بيىلعى جىلدىڭ العاشقى ەكى ايىندا 24 مىڭنان استام حالىق قابىلداۋ بولمەسىنە جازىلعان.
– «نۇر وتان» پارتياسىنىڭ توراعاسى نۇرسۇلتان نازارباەۆ بولعاندىقتان, حالىقتىڭ مۇڭ-مۇقتاجىن تىڭداپ, ونى شەشۋدە قىرۋار جۇمىس جاسالىپ جاتىر. ەلباسىنىڭ تاپسىرماسى بويىنشا قوعامدىق قابىلداۋ ۇيىمداستىرىلىپ, كەستەگە سايكەس ءارتۇرلى سالانىڭ باسشىلارى حالىقتىڭ سۇراقتارىنا جاۋاپ بەرۋدە. بۇگىنگى اشىق ەسىك كۇنىنە سارىارقا اۋداندىق پروكۋراتۋراسى قاتىسىپ, تۇرعىنداردىڭ ماسەلەسىن شەشۋگە تىرىسادى, – دەيدى جۇماجان جۇكەنوۆ.
ال سارىارقا اۋدانىنىڭ پروكۋرورى ەركەبولات سەرىكباەۆتىڭ ايتۋىنشا, اشىق ەسىك كۇنى ەكى جاققا دا ءتيىمدى بولدى. ويتكەنى 18 مەملەكەتتىك ورگانداردىڭ وكىلدەرى جينالىپ, ءبىر مەزگىلدە 50-گە جۋىق ازاماتتارعا كەڭەس بەردى.
سەرىك قۇدايبەرگەنۇلى
