2020 جىلدىڭ 1 قاڭتارىنان باستاپ 1 جاستان 6 جاسقا دەيىنگى جانە 6 جاستان 18 جاسقا دەيىنگى از قامتىلعان وتباسىلاردان شىققان بالالارعا كەپىلدى الەۋمەتتىك پاكەت بەرىلەدى. 1 جاستان 6 جاسقا دەيىنگى بالالارعا ازىق-تۇلىك جيىنتىعى جانە گيگيەنالىق قۇرالدار جيىنتىعى كىرەدى دەپ جوسپارلانۋدا.
قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگى دەنساۋلىق ساقتاۋ مينيسترلىگى مەن ءبىلىم جانە عىلىم مينيسترلىگىنىڭ ۇسىنىستارى نەگىزىندە اتاۋلى الەۋمەتتىك كومەك (ااك) الاتىن از قامتىلعان وتباسىلاردىڭ بالالارىنا كەپىلدەندىرىلگەن الەۋمەتتىك پاكەت قالىپتاستىردى. قر دەنساۋلىق ساقتاۋ مينيسترلىگىنىڭ ۇسىنىستارىنا سايكەس تاماق پاكەتتەرى فيزيولوگيالىق سيپاتتامالاردى, ازىق-تۇلىكتىڭ ەنەرگەتيكالىق قۇندىلىعى مەن ولاردىڭ تۇتىنۋ نورمالارىن جاسىنا سايكەس ەسكەرە وتىرىپ جاسالادى جانە ااك تاعايىنداۋ كەزەڭىندە ايىنا ءبىر رەت بەرىلەتىن بولادى.
قالالىق جۇمىسپەن قامتۋ جانە الەۋمەتتىك قورعاۋ باسقارماسى باسشىسىنىڭ ورىنباسارى باحتيار گاريفۋلليننىڭ ايتۋىنشا, ازىق-تۇلىك جيىنتىعى 1 جاستان 3 جاسقا دەيىنگى جانە 3 جاستان 6 جاسقا دەيىنگى بالالاردىڭ جاس ەرەكشەلىكتەرىنە بايلانىستى ءوز قۇرامى بويىنشا ەرەكشەلەنەتىن بولادى.
1 جاستان 3 جاسقا دەيىنگى بالالارعا
– 1 جاستان 3 جاسقا دەيىنگى بالالارعا ارنالعان تاماق ونىمدەرىنىڭ جيىنتىعىنا 2,5 پايىزدىق ۋلتراپاستەرلەنگەن ءسۇت – 1,95 ليتر, بالالار پەچەنەسى (بەس ايدان باستاپ بالالارعا ارنالعان) – 180 گرامم, ولشەپ سالىنعان ۇنتاق جارماسى – 700 گرامم, اسسورتيمەنتتەگى بالالارعا ارنالعان گيپواللەرگەندى بوتقا (5 ايدان باستاپ بالالارعا ارنالعان) – 320 گرامم, بالالارعا ارنالعان اسسورتيمەنتتەگى گيپواللەرگەندى پيۋرەسى – 1150 گرامم, ولشەپ سالىنعان جۇگەرى جارماسى – 400 گرامم, ولشەپ سالىنعان سۇلى قاۋىزى – 800 گرامم, – دەدى باحتيار گاريفۋللين.
3 جاستان 6 جاسقا دەيىنگى بالالارعا
3 جاستان 6 جاسقا دەيىنگى بالالارعا ارنالعان ازىق-تۇلىك جيىنتىعىنا 2,5 پايىزدىق ۋلتراپاستەرلەنگەن ءسۇت – 1,95 ليتر, 800 گرامم بيدايدىڭ قاتتى سورتتارىنان جاسالعان ماكارون, 800 گرامم سۇلى قاۋىزى, 0,8 ليتر كۇنباعىس مايى, كلاسسيكالىق گەماتوگەن – قۇرامىندا ءبۇتىن داندەرى بار تاڭعى اسقا ارنالعان 250 گرامم ءسۇت جاستىعى, تەمىرمەن, س جانە ۆ ۆيتاميندەرىمەن بايىتىلعان بالالار پەچەنەسى – 360 گرامم (بەس ايدان اسقان بالالار ءۇشىن), 1 كگ ارپا جارماسى, 1600 گرامم قاراقۇمىق جارماسى, 800 گرامم ارپا جارماسى, 700 گرامم ارپا جارماسى, 200 گرامم تابيعي بال.
اتالعان جيناقتار بالانىڭ كۇندىزگى تاماقتانۋ راتسيونىن قامتاماسىز ەتۋگە ارنالماعانىن اتاپ ءوتۋ قاجەت. ولاردىڭ ماقساتى – ءوسىپ كەلە جاتقان اعزاداعى ۆيتاميندەردىڭ جەتىسپەۋشىلىگىن وتەۋ.
دەنساۋلىق ساقتاۋ مينيسترلىگى 1 جاستان 6 جاسقا دەيىنگى بالالارعا ارنالعان تۇرمىستىق-گيگيەنالىق تاۋارلارىنىڭ جيىنتىعىن دا انىقتادى. وعان جەكە گيگيەنا زاتتارى ء(بىرىنشى قاجەتتىلىك) كىردى: بالالار كرەمى, كرەم-سابىن, كىر سابىن, ءتىس پاستاسى, بالالار سۋسابىنى, ءتىس ششەتكاسى, كىر جۋاتىن ۇنتاق. وسى جيىنتىقپەن از قامتىلعان وتباسىلاردان شىققان بالالار مااك تاعايىنداۋ كەزەڭىندە توقسانىنا ءبىر رەت قامتاماسىز ەتىلەدى.
6 جاستان 18 جاسقا دەيىنگى بالالارعا ارنالعان كەپىلدى پاكەت ءتورت بولىكتەن تۇرادى. وعان وقۋ ورنى بويىنشا ءبىر رەتتىك مەكتەپ تاماقتانۋى, مەكتەپ فورماسىمەن قامتاماسىز ەتۋ, مەكتەپ جابدىقتارىمەن قامتاماسىز ەتۋ, قالالىق كولىكتە جول ءجۇرۋدىڭ 50 پايىزىن وتەۋ كىرەدى.
جىلىنا ءبىر رەت بالالار مەكتەپ فورماسى مەن مەكتەپ كەرەك-جاراقتارىمەن قامتاماسىز ەتىلەدى. ولاردى ساتىپ الۋعا سەرتيفيكاتتار تامىز ايىندا, وقۋ جىلى باستالار الدىندا بەرىلەدى.
ۇلدارعا ارنالعان مەكتەپ فورماسىنىڭ جيىنتىعىنا كەلەسى اتاۋلار كىرەدى: پيدجاك, جەلەت, شالبار, مەرەكەلىك كويلەك, كۇندەلىكتى كويلەك, قىسقى ۋاقىتتا جىلى كەۋدەشە. قىزدار ءۇشىن: پيدجاك, جەلەت, يۋبكا, كلاسسيكالىق كويلەك, قىسقى ۋاقىتتا جىلى جەلەت جانە سارافان.
باستاۋىش, ورتا جانە جوعارى سىنىپ بالالارى ءۇشىن مەكتەپ كەرەك-جاراقتارىنىڭ جيىنتىعى ءوز قۇرامى بويىنشا ەرەكشەلەنەتىن بولادى.
باستاۋىش مەكتەپ وقۋشىلارىنا ارنالعان كومپلەكتكە ريۋكزاك, كۇندەلىك, قاراپايىم داپتەرلەر – 20 دانا, پەنال, سۋرەت سالۋعا ارنالعان البوم, 5 شاريكتى قالام, 10 قاراپايىم قارىنداش, 15 مۇقابا, پلاستيلين, اكۆارەلدى بوياۋلار, سىزعىش جانە وشىرگىش كىرەدى.
ورتا مەكتەپ وقۋشىلارىنا ارنالعان جيىنتىق: ريۋكزاك, كۇندەلىك, 20 قاراپايىم داپتەر, 10 جالپى داپتەر, پەنال, سۋرەت سالۋ البومى, 5 شاريكتى قالام, 10 قاراپايىم قارىنداش, 15 مۇقابا, سىزعىش جانە وشىرگىش.
جوعارى مەكتەپ وقۋشىلارى ءۇشىن: ريۋكزاك, كۇندەلىك, 20 قاراپايىم داپتەر, 10 جالپى داپتەر, پەنال, 5 شاريكتى قالام, 10 قاراپايىم قارىنداش, 15 مۇقابا, سىزعىش, تسيركۋل جانە وشىرگىش.
وقۋ ورنى بويىنشا كۇندەلىكتى مەكتەپتە تاماقتانۋ بەلگىلەنگەن نورمالار بويىنشا جۇزەگە اسىرىلادى.
جولدا ءجۇرۋ جەڭىلدىكتەرىنە – «قازاقستان رەسپۋبليكاسىنداعى كولىك تۋرالى» زاڭنىڭ 13-بابىنىڭ 7-دەن 15 جاسقا دەيىنگى بالالارىنا قوعامدىق كولىكتە بيلەتتىڭ باعاسىنان 50 پايىز تۇرىندەگى جول جۇرۋگە كەپىلدىك بەرەدى.
جادىرا مۇراتبەكوۆا
