جاز شىعا بەرە كوك ءشوپ گۇلدەگەندە, كوپتەگەن ادامداردىڭ تىنىسى تارىلىپ, مۇرنى بىتەلىپ, ءالسىن-ءالسىن تۇشكىرىپ, كوزى جاساۋراپ, بەيمازا حال كەشەدى. كەيبىر جاعدايلاردا ادامنىڭ تەرىسى دە قىزارا ءبورتىپ, قىشىنا باستايدى. وسىمدىكتىڭ توزاڭىنان بولاتىن بۇل ماۋسىمدىق اۋرۋدى اللەرگيا دەپ اتايدى. مۇندايدا مامان-اللەرگولوگتاردىڭ كەڭەسىنە جۇگىنىپ, اۋرۋدى كوپ جەڭىلدەتۋگە بولادى.
دەگەنمەن مىنا جايتتار ەسىڭىزدە بولسىن. ەڭ باستىسى, وسىمدىك توزاڭدارى اۋا ارقىلى تارايتىنى سەبەپتى, اسىرەسە جەلدى كۇندەرى, تەرەزەنى جاۋىپ قويىڭىز. گازونداردى تەگىستەپ ورىپ جاتقان جەرلەردى اينالىپ ءوتىڭىز. جازدىگۇندەرى ورماندار مەن توعايعا بارماڭىز. دەمالعىڭىز كەلسە, سۋلى, وسىمدىگى از تەڭىز جاعالاۋىن تاڭداڭىز. ءوسىمدىكتەردىڭ گۇلىنەن توزاڭ بولىنەتىن ۋاقىت تاڭعى 5-7 جانە كەشكىسىن – 17-19 ارالىعىندا. وسى كەزدەردە اسىعىس شارۋاڭىز بولماسا, كوشەگە شىقپاي, ۇيدە بولۋعا تىرىسىڭىز. بولمەڭىزدىڭ شاڭىن ىلعالدى شۇبەرەكپەن ءسۇرتىپ, ءجيى تازالاپ وتىرىڭىز. ال كوشەدەن كەلگەندە سىرت كيىمىڭىزدى اۋىستىرۋدى ۇمىتپاڭىز.
