داريا اسقارقىزى, قالا تۇرعىنى:
– استانادا جىلى ايالدامالاردا ساۋدا نۇكتەلەرى ورناتىلاتىنى جونىندە ەستىپ ەدىم. ول پاۆيلوندارداعى ساۋدا ورىندارى قالاي بولىنەدى؟
وقىرمان ساۋالىنا «استانا» اكك ۇك» اق باسقارما توراعاسى نۇرلان جاقىپوۆ جاۋاپ بەردى:
– جىلى ايالدامالارعا قاتىستى ەرەجە بەكىتىلىپ جاتىر. ول «كوشە ساۋداسىنا 1000 ورىن» باعدارلاماسى ەرەجەسىنىڭ بالاماسى بولادى. قالاعا 200-گە جۋىق جىلى ايالداما پاۆيلونى قاجەت. ونىڭ 55-ءى بيۋدجەت ەسەبىنەن ورناتىلادى, ال قالعانىن ءبىز مەملەكەتتىك-جەكەمەنشىك سەرىكتەستىك مەحانيزمى ەسەبىنەن ورناتۋعا تىرىسامىز. اكك جەر تەلىمىن ۇسىنىپ, قۇقىعىن بەلگىلەۋشى بارلىق قاجەتتى قۇجاتتى الۋعا كومەكتەسەدى, ال ينۆەستور-بيزنەسمەن ايالداما پاۆيلونىن ورناتادى. ايالداما پاۆيلونىن ەكى باعىتتا پايدالانۋعا بولادى. ءبىرىنشىسى – جارناما تاراتۋشى – بيلبوردتار, وعان جارناما ورناتىلادى. ەكىنشىسى – كوممەرتسيالىق ساۋدا پاۆيلونى (گۇل, فاست-فۋد, جەمىس-جيدەك ساتۋعا ارنالعان). العاشقى پاۆيلوندى ءبىز ورناتتىق. قازىر 10-نان كوپ ايالداما ورناتا الاتىن ينفەستورلارمەن جۇمىس ءجۇرىپ جاتىر. ءبىز ونداي ينۆەستورلارمەن تىكەلەي كەلىسسوز جۇرگىزەمىز. نەگە؟ سەبەبى ءبىر ايالداما پاۆيلونىنىڭ قۇنى – 6-دان 15 ملن تەڭگەنىڭ ارالىعىندا جانە ونى قوسۋ اقىسى بار. ونى كەز كەلگەن بيزنەسمەننىڭ قالتاسى كوتەرمەيدى. سول سەبەپتى 10 جانە ودان كوپ پاۆيلون ورناتا الاتىن ءىرى ينستيتۋتتىق ۇيىمدارمەن جۇمىس ىستەپ جاتىرمىز. مۇنداي ينۆەستورلار مەن ۇيىمدارمەن كەلىسسوز جۇرگىزۋدىڭ سوڭعى كەزەڭىندەمىز. مجس مەحانيزمى ەسەبىنەن 90-عا جۋىق ايالداما پاۆيلونىن ورناتامىز.
