ابزال نيازوۆ, ەلوردا تۇرعىنى:
– ءۇيدى بانكتەن يپوتەكالىق نەسيە ارقىلى العان بولاتىنمىن. جاقىندا ۇلتتىق بانك يپوتەكالىق قارىز بويىنشا بانكتەرگە كوميسسيا الۋعا تىيىم سالدى دەگەن اقپارات جاريالاندى. بۇل بارلىق شارتتارعا قاتىستى ما؟
وقىرمان ساۋالىنا قر ۇلتتىق بانكى ءباسپاسوز قىزمەتىنىڭ 1 تامىز كۇنى جاساعان مالىمدەمەسىن ۇسىنامىز:
– «ۇلتتىق بانكتىڭ باستاماسى بويىنشا 2018 جىلعى 16 شىلدەدەن باستاپ بانكتەر تۋرالى زاڭعا يپوتەكالىق قارىز بەرۋگە جانە وعان قىزمەت كورسەتۋگە بايلانىستى بانك شوتىن جۇرگىزگەنى ءۇشىن بانكتەردىڭ كوميسسيالار بەلگىلەۋىنە جانە الۋىنا تىيىم سالدى.
وسىنداي نورما قازىرگى كەزدە قر پارلامەنتى ءماجىلىسىنىڭ قاراۋىنداعى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە مەنشىك قۇقىعىن قورعاۋدى كۇشەيتۋ جانە تورەلىك ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىندا قامتىلعان.
كاسىپكەرلىك قىزمەتپەن بايلانىستى ەمەس بارلىق جەكە تۇلعالارعا قاتىستى قارىز بەرۋگە جانە وعان قىزمەت كورسەتۋگە بايلانىستى بانك شوتىن جۇرگىزگەنى ءۇشىن بانكتەر كوميسسيا المايدى».
بۇل كوميسسيالار تىزبەسىن وڭتايلاندىرۋ ءۇشىن جانە قارىز الۋ جانە وعان قىزمەت كورسەتۋ كەزىندە قارىز الۋشىلاردىڭ شىعىستارىن قىسقارتۋ شەڭبەرىندە جاسالىپ وتىر.
