اقگۇل مەيىروۆا, زەينەتكەر:
– ارتەريالىق قىسىمى جوعارى پاتسيەنتتەردە, سونىمەن قاتار, جۇرەك جەتكىلىكسىزدىگى بار نەمەسە جەدەل كورونارلىق سيندرومعا شالدىققان پاتسيەنتتەردە ينفاركت پەن ينسۋلت پروفيلاكتيكاcى ءۇشىن بەرىلەتىن بىرقاتار دارىلەردى قولدانىستان تىيىپ جاتىر ەكەن. دەنساۋلىعىما بايلانىستى ءىشىپ جۇرگەن «ۆازار 80 مگ» ءدارىنى ەندى نە ىستەيمىن, قايدا وتكىزەمىن؟
وقىرمان ساۋالىنا وراي «سك-فارماتسيا» جشس باسقارما توراعاسى مىندەتىن اتقارۋشى بەرىك ءشارىپتىڭ مالىمەتىن ۇسىنامىز:
– قر دەنساۋلىق ساقتاۋ مينيسترلىگىنىڭ فارماتسيا كوميتەتى ىشكى تەكسەرىس جۇرگىزۋ بارىسىندا «ۆازار», «نورتيۆان» جانە «ۆازارن» پرەپاراتتارىنىڭ تىركەۋ كۋالىگىن كەرى قايتارىپ الۋ تۋرالى شەشىم قابىلدانعانىن راستادى.
ەگەر قولىڭىزدا ەمدەۋشى دارىگەرىڭىزدىڭ تەگىن رەتسەپتىسى بويىنشا بەرىلگەن مىناداي نومىرلەرى بار 471217, 471317, 301717, 333217, 209917, 419817, 419917, 420017, 488117 «ۆازار 80 مگ» پرەپاراتى بولسا, وندا ونى العان جەرىڭىزگە اپارىپ وتكىزىڭىز. ەمدەۋشى دارىگەرىڭىزدەن ودان ءارى قاراي ەمدى قالاي جالعاستىرۋ تۋرالى نۇسقاۋىن الىڭىز. ودان كەيىن دارىگەردىڭ قايتا تاعايىنداعان ءدارىسىن تەگىن الىپ, ەمىڭىزدى جالعاستىرۋعا بولادى.
