ايدانا جومارتقىزى, گازەت وقىرمانى:
– ەلىمىزدەگى بىرنەشە باق بەتتەرىندە استانادا مەكتەپ مۇعالىمدەرىنە جاتاقحانا بەرىلەتىنى تۋرالى حابار تارادى. بۇل اقپارات قانشالىقتى راس؟
وقىرمان سۇراعىنا استانا قالاسى ءبىلىم باسقارماسىنىڭ باسشىسى ءانۋار جانعوزيننىڭ ءمالىمدەمەسىن ۇسىنامىز:
– قازىرگى ۋاقىتتا ءبىر جاتاقxانانىڭ قۇرىلىسى اياقتالايىن دەپ قالدى. ول 188-كوشەنىڭ بويىندا (سەيفۋللين كوشەسىنىڭ باسىندا) ورنالاسقان. اكىمدىك بۇل جەرگە بىلىكتىلىگى جوعارى ءارى تاجىريبەسى بار مۇعالىمدەردى ورنالاستىرۋدى جوسپارلاپ وتىر.
استاناعا جىل سايىن وڭىرلەردەن 400-500 مۇعالىم كەلەدى. ولاردىڭ ءبارى وتباسىلى جاندار. ارينە, ءبارىن جاتاقxانامەن قامتاماسىز ەتۋ مۇمكىن ەمەس. سول سەبەپتى قازىر تەك ۇزدىكتەرگە عانا جاتاقxانا بەرەمىز. ماسەلەن, ۋنيۆەرسيتەت تۇلەگى بولسا, ونىڭ جەتىستىكتەرى مەن تاعىلىمداماسى ەسكەرىلەدى. البەتتە, ەڭبەك ءوتىلى بار ماماندارعا دا باسا نازار اۋدارىلادى.
