مەرەي ارتىققىزى, قالا تۇرعىنى:
– جۋىردا قالالىق پروكۋراتۋرا ازاماتتاردى قابىلدايدى دەپ ەستىدىم. مەنىڭ دە شەشىمىن تاپپاي كەلە جاتقان ماسەلەم بار ەدى. سۇرايىن دەگەنىم, قابىلداۋ قاشان جانە قايدا جۇرگىزىلەدى؟
وقىرمان ساۋالىنا اكىمدىكتىڭ ءباسپاسوز قىزمەتى ۇسىنعان مالىمەتتى جاريالايمىز:
– استانا قالاسىنىڭ پروكۋراتۋراسى «نۇر وتان» پارتياسىنىڭ قالالىق فيليالى مەن اكىمدىكپەن بىرلەسە وتىرىپ, 2018 جىلدىڭ 16 تامىزىندا ساعات 10:00 مەن 16:00 ارالىعىندا ازاماتتاردى قابىلدايدى. شارادا پروكۋراتۋرا, اكىمدىك, ىشكى ىستەر, قىلمىستىق-اتقارۋ جۇيەسى, مەملەكەتتىك كىرىستەر مەن ادىلەت دەپارتامەنتتەرىنىڭ باسشىلىعى جانە ۇلتتىق بانكتىڭ فيليالى وكىلدەرى ازاماتتاردىڭ سۇراقتارى بويىنشا جەكە قابىلداۋ جۇرگىزەدى.
ءىس-شارا «نۇر وتان» پارتياسىنىڭ قالالىق فيليالىنىڭ عيماراتىندا وتەدى. الدىن الا جازىلۋ ءۇشىن استانا قالالىق پروكۋراتۋراسىنىڭ بايلانىس تەلەفوندارىنا: 8 (7172) 712449, 712126 جانە «نۇر وتان» پارتياسىنىڭ قالالىق فيليالىنىڭ قوعامدىق قابىلداۋ بولمەسىنىڭ بايلانىس نومىرىنە 8 (7172) 361945 حابارلاسقانىڭىز ءجون.
