مارال, ەلوردا تۇرعىنى:
قۇرمەتتى رەداكتسيا! مەن بەس بالانىڭ اناسىمىن. بالالاردى مەكتەپكە دايىنداعاندا كەز كەلگەن دۇكەندەگى كيىم-كەشەكتەردى, وقۋ زاتتارىن ساتىپ الۋعا مۇمكىندىگىم بولمايدى. بالالارىما كيىمدەر مەن مەكتەپ جابدىقتارىن قاي جەردەن ارزان باعامەن الۋعا بولاتىنىن ايتىپ بەرەسىزدەر مە؟
وقىرمان ساۋالىنا قالالىق ينۆەستيتسيالار جانە كاسىپكەرلىكتى دامىتۋ باسقارماسىنىڭ حابارلاماسىن ۇسىنامىز:
– «مەكتەپكە جول» دەپ اتالاتىن رەسپۋبليكالىق شارانىڭ شەڭبەرىندە جاڭا وقۋ جىلىنىڭ الدىندا جانە 1-2 قىركۇيەكتە ەلوردا اكىمشىلىگى عيماراتىنىڭ الاڭىندا مەكتەپ فورماسى مەن جابدىقتارىن ارزان باعامەن ساتاتىن جارمەڭكە وتكىزىلەدى. وسى جارمەڭكەگە مەكتەپ فورماسى مەن وقۋ جابدىقتارىن, شۇلىق-ۇيىقتاردى شىعاراتىن وتاندىق ءونىم وندىرۋشىلەر قاتىسادى. ولاردىڭ قاتارىندا «پيك» Astana يۋتاريا ltd» جشس, «SensFashion» تاۋارلىق بەلگىسىمەن اتى شىققان «سوكيركو جك» (پەتروپاۆل), «التىن ادام» (شىمكەنت) سياقتى تىگىن فابريكالارى, «DANMARD» جشس (تىگىن, شۇلىق ءوندىرۋ, شەۆرون تسەحى, مەتالل فۋرنيتۋرالار) جانە باسقالارى بار. تولىعىراق اقپاراتتى استانا قالالىق ينۆەستيتسيالار جانە كاسىپكەرلىكتى دامىتۋ باسقارماسىنان الۋعا بولادى. ول ءۇشىن 113-بولمەگە كەلىڭىزدەر نەمەسە 55-74-03 تەلەفون نومىرىنە حابارلاسىڭىزدار.
