دۋمان سەپبوسىنوۆ, ەلوردا تۇرعىنى:
– سول جاعالاۋدا كولىكتىڭ كوپتىگى سونشالىق, ءتىپتى اقىلى تۇراقتىڭ وزىندە ورىن بولمايدى. بۇل ماسەلەنىڭ قانداي شەشىمى بار؟ الداعى ۋاقىتتا كوپ قاباتتى پاركينگ سالىنا ما؟
بۇل ساۋالعا «استانا» الەۋمەتتىك كاسىپكەرلىك كورپوراتسياسى باسقارما توراعاسىنىڭ ورىنباسارى باۋىرجان كانكيننىڭ جاۋابىن ۇسىنامىز.
– «موسكۆا» بيزنەس ورتالىعىنىڭ جانىنان 9 قاباتتى پاركينگ سالىنادى. قازىرگى ۋاقىتتا جوبالىق-سمەتالىق قۇجاتى ازىرلەنىپ جاتىر. جوباعا سايكەس عيمارات كولەمى 21,2 مىڭ شارشى مەتر بولادى. ازىرگە ناقتى قانشا ورىن بولاتىنى بەلگىسىز. جوسپار بويىنشا پاركينگتىڭ قۇرىلىس جۇمىستارى بيىل باستالىپ, شامامەن 2-3 جىلدىڭ كولەمىندە پايدالانۋعا بەرىلەدى.
جالپى, سول جاعالاۋدا كوپ قاباتتى پاركينگ سالۋعا ارنالعان «استانا» الەۋمەتتىك كاسىپكەرلىك كورپوراتسياسىنا قاراستى ءۇش جەر ۋچاسكەسى بار. سونىڭ ءبىرى – «موسكۆا» بيزنەس ورتالىعىنىڭ جانىنداعى 0,5 گەكتار جەر بولسا, ەكەۋى – «سۋلى-جاسىل جەلەك جولى» اكىمشىلىك-تۇرعىن كەشەنى مەن ينۆەستيتسيا جانە دامۋ مينيسترلىگى عيماراتتارىنىڭ ماڭىندا. العاشقى جوبانى جۇزەگە اسىرعان سوڭ قالعان ەكى جەر ۋچاسكەسىندە دە كوپ قاباتتى پاركينگ سالۋعا ينۆەستورلار تارتىلاتىن بولادى.
