اللو, «استانا اقشامى»!
جاسۇلان ءابىلحانوۆ, زەينەتكەر:
– استانانىڭ سۋىعىنان قالقان بولاتىن جىلى ايالدامالار جولاۋشىعا جاقسى بولىپ تۇر. بۇل جۇمىس جالعاسا ما؟
وقىرمان سۇراعىنا قالا اكىمى ءبىرىنشى ورىنباسارى سەرگەي حوروشۋننىڭ جاۋابىن ۇسىنامىز:
– قازىرگى كۇندە قالادا 1265 ايالداما بار. ونىڭ 897-ءسى پاۆيلونمەن جابدىقتالعان, ونىڭ ىشىندە 39-ى – جىلى پاۆيلون. جىل اياعىنا دەيىن ادام قاراسى قالىڭ جانە اۋرۋحانا مەن ەمحانا ماڭىنا 86 جىلى ايالداما قويىلادى. ونىڭ 55-ءى بيۋدجەت قاراجاتىنان, ال 31-ءى مەملەكەتتىك-جەكەمەنشىك ارىپتەستىك شەڭبەرىندە ورناتىلادى. كەلەر جىلى دا بۇل جۇمىس جالعاسىن تاۋىپ, ينۆەستورلاردىڭ ەسەبىنەن جاڭا ۇلگىدەگى 200 شاماسىندا جىلى ايالداما قويۋ جوسپارلانعان. ولار جەلدەتۋ, جىلىتۋ جۇيەسىمەن جابدىقتالىپ, Wi-Fi ورناتىلادى. ايالدامالاردا قوعامدىق كولىكتىڭ ءجۇرۋ باعىتى مەن ۋاقىتى كورسەتىلىپ تۇرادى. ال وسىلاردىڭ ورنىندا تۇرعان بۇرىنعى اشىق ايالدامالاردى قالا سىرتىنداعى ايالدامالارعا ورناتادى.