مارعۇلان كوپجاساروۆ, قالا تۇرعىنى:
كوپ پاتەرلى ءۇيدىڭ ەڭ جوعارعى قاباتىندا تۇرامىن. ءۇيىمىزدىڭ شاتىرى توزىپ كەتكەن, جاڭبىرلى كۇندەرى توبەمىزدەن سۋ اعادى. شاتىردى جوندەۋگە ءوزىمىزدىڭ شامامىز كەلمەي جاتىر. بۇل جاعىنان مەملەكەتتىك كومەككە جۇگىنە الامىز با؟
وقىرمان سۇراعىنا «وركەن قالا» جشس قايتا جاڭارتۋ ءبولىمىنىڭ باستىعى بولات تۇگەلباەۆتىڭ جاۋابىن ۇسىنامىز:
– استانادا شاتىردى اۋىستىرۋ جۇمىستارى وڭىرلەردى دامىتۋدىڭ 2020 جىلعا دەيىنگى باعدارلاماسى شەڭبەرىندە جۇزەگە اسۋدا. شاتىرى توزعان, سۋ اعاتىن ۇيلەردىڭ شاتىرىن جاڭارتۋ ءۇشىن مەملەكەت تاراپىنان ارنايى كومەك جۇيەسى بار. توزعان شاتىردى جاڭارتۋ ماسەلەسىن سول ءۇيدىڭ تۇرعىندارى جالپى جينالىستا شەشەدى دە, پاتەر يەلەرى قالالىق ورتا ساپاسىن باقىلاۋ باسقارماسىنا شاتىردى اۋىستىرۋعا ءوتىنىش جازادى. اتالعان نىسانعا كوميسسيا بارىپ كورىپ, سمەتا جاسايدى. ەگەر ءۇيدىڭ 70 پايىزدان استام تۇرعىنى كەلىسسە, شاتىر جاڭارتىلادى. جوندەۋ جۇمىسىن جۇرگىزەتىن كومپانيانى تۇرعىندار وزدەرى تاڭدايدى. قارجى 15 جىلعا بەرىلەدى. ايىنا ءار پاتەرگە شامامەن 3-5 مىڭ تەڭگەدەن شىعادى. جاڭا شاتىر ورناتقاندا ءبىز بەتون قۇيامىز. ول بۇرىنعى تسەمەنتتەن الدەقايدا جاقسى جانە وعان كەپىلدىك مەرزىمى بار. وتكەن جىلى 12 كوپ قاباتتى ۇيدە كۇردەلى جوندەۋ جۇرگىزىلىپ, سونىڭ ۇشەۋىنىڭ شاتىرى جاڭارتىلدى. الدا ءا.مامبەتوۆ 6, 8, 8/1, 8/2, 8/3, كۇيشى دينا 42/2, ماناس 23/5 جانە ع.مۇسىرەپوۆ 6/4 مەكەنجايلارداعى تۇرعىن ۇيلەرگە كۇردەلى جوندەۋ جۇرگىزىلەتىنىن ايتا كەتەيىن.
