سىمبات تولەكبەرگەن, ستۋدەنت:
– قالا باسشىلىعى قوعامدىق كولىكتە جولاقىنى كوبەيتۋ ماسەلەسىن قاراپ جاتقانىن بىلەمىن. بۇرىن-سوڭدى كوندۋكتورعا قولما-قول تولەيتىنمىن. ەندى Astra plat كارتاسىن پايدالانۋ ەكى ەسە تيىمدىرەك ەكەن. قالانىڭ قاي جەرلەرىندە كارتانى تولتىرىپ وتىرۋعا بولادى؟
بۇل ساۋالعا قاتىستى «استانا LRT» كومپانياسىنىڭ باسقارما توراعاسى بەكمىرزا يگەنبەرديەۆتىڭ جاۋابىن ۇسىنامىز.
– 1 شىلدەدەن باستاپ Astra plat قوعامدىق كولىك كارتاسىن QIWI تەرمينالدارى ارقىلى قوسىمشا تولەمسىز تولتىرۋعا بولادى. قالا اۋماعىندا جانە شەت ايماقتاردا مۇنداي تەرمينالدار سانى – 2 مىڭعا جۋىق. QIWI جانە Kaspi تەرمينالدارى 15 بانكپەن ينتەگراتسيالانعان. سول سەبەپتى تۇرعىندار مەن قالا قوناقتارىنا كارتانى تولتىرۋ ءۇشىن ەش قيىندىق تۋىندامايدى. ودان بولەك, بيزنەس-ورتالىقتار, كوپشىلىك جينالاتىن ورىنداردا جانە اۆتوبۋستاردىڭ ىشىندە جۇرگىزۋشىدەن كولىك كارتاسىن ساتىپ الۋعا بولادى.
