قايرات تەمىربەكوۆ, ەلوردا تۇرعىنى:
– جۋىردا بولعان جول اپاتىنان كەيىن باۋىرىم مۇگەدەك بولىپ قالدى. ارادا ۇزاق ۋاقىت ءوتىپ كەتتى. ەندى جاردەماقى تاعايىنداۋعا ءوتىنىش بەرگەلى وتىرمىز. سۇرايىن دەگەنىم, جاردەماقى قۇجات تاپسىرعاننان كەيىنگى ۋاقىتپەن تاعايىندالا ما, الدە جول اپاتىنا تۇسكەن كەزدەن بەرى ەسەپتەلە مە؟
وقىرمان ساۋالىنا «ازاماتتارعا ارنالعان ۇكىمەت» مەملەكەتتىك كورپوراتسياسى» كوممەرتسيالىق ەمەس اق استانا قالاسى بويىنشا فيليالى ديرەكتورىنىڭ ورىنباسارى ساعيرا ايتاناەۆا جاۋاپ بەردى:
– ەلىمىزدە مۇگەدەكتىگى بويىنشا جاردەماقى تاعايىنداۋدىڭ وزىندىك شارتتارى بار. مۇگەدەكتiگi بويىنشا جاردەماقى مۇگەدەكتiككە دۋشار بولعان جاعدايدا جاردەماقىعا ءوتiنiش جاسالعان ۋاقىتتا جۇمىستىڭ توقتاتىلعانىنا نەمەسە جالعاسۋىنا قاراماستان, سونداي-اق قاشان بولعانىنا قاراماستان تاعايىندالادى. ال زەينەتاقى تولەمدەرiن الۋعا قۇقىق بەرەتiن جاسقا جەتكەن كەزدە مۇگەدەك ادامداردى قايتا كۋالاندىرۋ ولاردىڭ ءوتiنiشi بويىنشا عانا جۇرگiزiلەدi. مۇگەدەكتىك تىرشىلىك ەتۋ ارەكەتىنىڭ, ونىڭ ىشىندە ەڭبەك ەتۋ قابىلەتىنىڭ شەكتەلۋ دارەجەسىنە قاراي ءۇش توپقا بولىنەدى. ونى ءماس بولىمشەسى بەلگىلەيدى. ءجاردەماقى وسى بولىمشە بeلگىلeگeن مۇگەدەكتىكتىڭ بۇكىل كەزەڭىنە تاعايىندالادى. ەگەر مۇگەدەكتىك توبى وزگەرگەن جاعدايدا, جاڭا مولشەردە جاردەماقى تولەۋ مۇگەدەكتىك توبى وزگەرتىلگەن كۇننەن باستاپ جۇزەگە اسىرىلادى. جالپى, كەز كەلگەن الەۋمەتتىك – ەڭبەك سالاسىنداعى بارلىق سۇراقتار بويىنشا ازاماتتارعا ارنالعان ۇكىمەتتىڭ 1411 بايلانىس-ورتالىعىنا سەنبى, جەكسەنبى جانە مەرەكە كۇندەرىنەن باسقا, كەز كەلگەن كۇنى ساعات 9.00-دەن 18.00-گە دەيىن تۇسكى ءۇزىلىسسىز حابارلاسۋعا بولادى.
