ايمان تۇرارقىزى, قالا تۇرعىنى:
– قازاقستاندا سىرتتاي وقۋ ءبولىمى تۇپكىلىكتى جابىلادى دەگەن اقپارات ەستىدىم. بۇل راس پا؟ بۇعان دەيىن سىرتتاي وقىپ كەلگەن ستۋدەنتتەر نە ىستەيدى؟
بۇل ساۋالعا ءبىلىم جانە عىلىم ءمينيسترى ەرلان ساعاديەۆتىڭ جاۋابىن ۇسىنامىز:
– 2019 جىلدىڭ 1 قاڭتارىنان باستاپ قازاقستانداعى جوعارى وقۋ ورىندارىندا سىرتتاي وقىتۋ بولىمدەرى جابىلادى. مۇنداي نورما جوعارى وقۋ ورىندارىنداعى اكادەميالىق جانە ءوزىن-ءوزى باسقارۋدى كەڭەيتۋگە قاتىستى زاڭعا تۇزەتۋلەر ەنگىزىلدى. بۇعان دەيىن سىرتتاي وقىپ كەلگەن ستۋدەنتتەر وقۋىن تولىق اياقتايدى. ءبىز ءبىلىم العىسى كەلەتىن, بىراق كۇندىزگى بولىمدەردە وقۋعا مۇمكىندىگى جوق قازاقستاندىقتاردىڭ بار ەكەنىن دە جاقسى بىلەمىز. ولار ءۇشىن الداعى ۋاقىتتا قاشىقتىقتان وقىتۋدىڭ جاڭا جۇيەسىن ەنگىزۋدى جوسپارلاپ وتىرمىز. مۇنداي ستۋدەنتتەر كۇندىزگى بولىمدە وقيتىن ستۋدەنتتەرمەن قاتار وقۋ باعدارلاماسىنىڭ 100 پايىزدىق كولەمىن يگەرەدى.
