اللو, «استانا اقشامى»!

مەرەي ارداق, قالا تۇرعىنى:
– ەڭبەك داۋىن سوتقا جەتكىزبەي شەشۋگە بولا ما؟ جۇمىس بەرۋشى مەن جۇمىسكەردىڭ اراسىندا تۇسىنبەۋشىلىكتەر بولسا, قايدا بارۋعا بولادى؟

بۇل ساۋالعا استانا قالالىق ورتا ساپاسى جانە باقىلاۋ باس­قارماسىنا قاراستى «مەدياتسيا دامىتۋ ورتالىعىنىڭ» قىزمەتكەرى ميرا مولداعاليەۆا جاۋاپ بەردى:
– جاسىراتىنى جوق, بىزگە, نەگىزىنەن, جالاقىسىن تولەمەگەنى سەبەپتى شاعىمداناتىن تۇرعىندار كوپ. ارىزدارىنا قۇلاق اسساق, بىرنەشە اي تەگىننەن تەگىن جۇمىس ىستەپ جۇرگەندەرىن ەستىپ جاتامىز. سول سياقتى جەكەمەنشىك مەكەمەلەر جۇمىستان شىعاتىن كەزدە تولەنۋى ءتيىس اقشالارىنان ەش
سەبەپسىز ايىرىپ جاتادى. ماسەلەن, سوڭعى ءۇش اپتانىڭ ىشىندە 130-عا جۋىق ازامات وسىعان ۇقساس ارىزىن ايتتى. كەيدە ءتىپتى كۇنىنە 60-70 ادام كەلىپ جاتادى. دەگەنمەن ءبىر قۋانتارلىعى, ورتالىعىمىزعا ارىزدانىپ كەلگەندەردىڭ ءىسىن قولعا العاندا سوتقا جەتپەي شەشىلىپ جاتادى.
ارىزى بارلار مىنا مەكەنجايعا كەلىپ, جولىعۋعا بولادى: استانا قالاسى, دوستىق كوشەسى, 13, «نۇرسايا-2» تك, 222/1 كابينەت. بايلانىس ءنومىرىمىز: +7-701-196-60-51,
+7-771-996-09-27, +7-707-196-60-55.