اللو, «استانا اقشامى»!

روزا ەرمەكبايقىزى, اتا-انا:
– استانا مەكتەپتەرىنىڭ بىرىندە كينواكتەرلەردى دايىندايتىن سىنىپ اشىلعانىن ەستىگەن ەدىم. بالام وسى ماماندىققا قىزىعىپ ءجۇر. بۇل تۋرالى تولىق مالىمەت بەرە الاسىزدار ما؟

وقىرمان سۇراعىنا №2 قالالىق ونەر مەكتەبىنىڭ ديرەكتورى گۇلميرا جانگەلدىنىڭ جاۋابىن ۇسىنامىز:
– بولاشاق كينواكتەرلەردى دايىن­دايتىن سىنىپ بيىل №2 قالالىق ونەر مەكتەبىندە اشىلدى. «كينو جانە تەلەارنا» سىنىبى قىركۇيەكتە العاشقى شاكىرتتەرىن قابىلدادى. بۇل سىنىپقا 12-13 جاستاعى بالالاردى قابىلدادىق. ولار وسى جاستا وتە العىر كەلەدى. ءبىرىنشى سىنىپ وقۋشىلارىمەن بۇل قيىن بولار ەدى. قابىلداۋ اڭگىمە-دۇكەن قۇرۋ ارقىلى ءوتتى.
العاشقى جىلى بالالار تەوريا­نى وقىپ, سوسىن بارىپ پراكتيكاعا كوشەدى. جوعارى سىنىپتارعا بارعاندا ءوز بەتىنشە ستسەناري, سيۋجەتتەر جازۋى ءتيىس بولادى. ساباق اپتاسىنا 3 رەت, كۇنىنە 4-5 ساعاتتان وتەدى. وقۋ باعدارلاماسىنا رەجيسسۋرا تاريحى, وتاندىق كينو, شەتەلدىك كينو تاريحى, ستسەناريلىك شەبەرلىك, جۋرناليستيكا سياقتى ساباقتار ەنگىزىلدى. ءبىر ايتا كەتەرلىگى, سىنىپتا اكتەرلىكتىڭ عانا ەمەس, رەجيسسۋرانىڭ, تەلەجۋرناليستيكانىڭ قىر-سىرى وقىتىلادى.