جانگەلدى شالقار, ەلوردا تۇرعىنى:
– بيىل استاناداعى كوممۋنالدىق قىزمەتتەر تاريفىنە قانداي وزگەرىس ەنگىزىلدى؟
وقىرمان ساۋالىنا قر ۇلتتىق ەكونوميكا مينيسترلىگى تابيعي مونوپوليالاردى رەتتەۋ, باسەكەلەستىكتى جانە تۇتىنۋشىلاردىڭ قۇقىقتارىن قورعاۋ كوميتەتىنىڭ استانا قالاسى بويىنشا دەپارتامەنت باسشىسى بولات تانابەرگەنوۆتىڭ جاۋابىن ۇسىنامىز.
– بيىلعى 1 قاڭتاردان باستاپ تەك گازدىڭ باعاسىنان باسقا تاريفتەر ازىرگە وزگەرگەن جوق. 1 اقپاننان باستاپ سۇيىتىلعان مۇناي گازىن بولشەك ساۋداعا وتكىزۋ ءتاريفى بۇرىنعىعا قاراعاندا 6,5 پايىزعا ءوستى. بۇل ءوسىم ىشكى نارىقتا سۇيىتىلعان مۇناي گازىن كوتەرمە ساۋدادا ساتۋدىڭ مارجينالدىق باعاسىنىڭ ءوسۋى جانە گاز قۇبىرلارى ارقىلى تاسىمالداۋ ءتاريفىنىڭ ءوسۋى ەسەبىنەن بولدى.
زاڭنامانىڭ تالاپتارىنا سايكەس, 2015 جىلدان باستاپ بارلىق تابيعي مونوپوليالار سۋبەكتىلەرى ءۇشىن 2016-2020 جىلدارعا ارنالعان ۇزاق مەرزىمدى تاريفتەر بەكىتىلگەن. تابيعي مونوپوليالار سۋبەكتiلەرi تاريفتەر وزگەرگەن جاعدايدا زاڭعا سايكەس تۇتىنۋشىلارعا بۇل تۋرالى بiر اي بۇرىن حابارلاۋعا تيiس. الايدا ءوسىم اعىمداعى جىلعا بەكىتىلگەن ۇزاق مەرزىمدى تاريف دەڭگەيىنە عانا رۇقسات ەتىلەدى. ۇزاق مەرزىمدى تاريف قىزمەت كورسەتۋ كەزىندە قاجەتتى ستراتەگيالىق تاۋارلاردىڭ باعاسى كوتەرىلگەن جاعدايدا جانە تابيعي مونوپوليا سۋبەكتىسى حالىقارالىق قارجى ۇيىمدارىنىڭ نەسيەلەرىن تارتقان جاعدايدا عانا ءوسۋى مۇمكىن. جالپى, تاريفتەر قاتاڭ باقىلانىپ وتىر.
