اللو, «استانا اقشامى»!
قالدىگۇل احمەتبەك, ەلوردا تۇرعىنى:
– مەن جەكە فيرمادا جۇمىس ىستەيمىن. جالاقىمدى قولما-قول الىپ, بەلگىلى ءبىر پايىزىن زەينەتاقى قورىنا ءتۇسىرىپ جاتقانىم جوق. الايدا زەينەتاقى جۇيەسىندە وزگەرىستەر بولىپ جاتىر دەيدى. ەندى مەنىڭ دە تاپقان تابىسىمنان جارنا تولەنەتىن بولا ما؟ ونى كىم جۇزەگە اسىرادى؟
«زەينەتاقىمەن قامسىزداندىرۋ تۋرالى» زاڭعا ەنگىزىلگەن وزگەرىستەر تۋرالى «بجزق» اق باسقارما ءتورايىمىنىڭ ورىنباسارى ساۋلە ەگەۋباەۆانىڭ جاريا ەتكەن اقپاراتىنا سايكەس, 14 شىلدەدەن باستاپ ازاماتتىق-قۇقىقتىق سيپاتتاعى شارتتار بويىنشا جۇمىس ىستەيتىندەر تابىستارىنىڭ 10 پايىزىن زەينەتاقى قورىنا اۋدارۋعا مىندەتتى بولادى.
جالاقىلارىن قولما-قول الاتىن جۇمىسشىلار ەكىنشى دەڭگەيلى بانكتەردەن نەمەسە زەينەتاقى قورىنان ارنايى شوت اشۋلارىنا بولادى. ءسويتىپ, زەينەتاقى جارناسىن سول شوتتارعا اي سايىن سالىپ وتىرادى. وسى كۇنى ەلىمىزدە ءوز ەركىمەن زەينەتاقى قورىنا اقشا اۋدارىپ وتىرعاندار سانى كوپ ەمەس. سالدارىنان ولار ءۇي كەزەگىنە تۇراتىن كەزدە, مەملەكەتتەن جاردەماقى الاردا نەمەسە بانكتەن نەسيە راسىمدەيتىن بولسا, ءبىرشاما قيىندىقتارعا تاپ بولاتىن. ال جاڭا زاڭ كەلىسىمشارتپەن جۇمىس ىستەيتىندەردىڭ الەۋمەتتىك كومەك الۋلارىنا جول اشپاق.
ەندى زەينەتاقى قورىنا اقشا اۋدارۋدان باس تارتقاندار اكىمشىلىك جاۋاپكەرشىلىككە تارتىلاتىن بولادى. ولارعا سالىناتىن ايىپپۇل كولەمى 25 مىڭ تەڭگەگە جۋىق.