ەلوردانىڭ №6 قالالىق ەمحاناسىندا قر تاۋەلسىزدىگىنىڭ 25 جىلدىعىنا وراي «انا جۇرەگى» اتتى اكتسيا ءوتتى. بۇل كۇنى مۇمكىندىگى شەكتەۋلى بالالاردىڭ انالارى گينەكولوگ, ماممولوگ, نەۆروپاتولوگ, تەراپەۆت, وكۋليست سەكىلدى مامانداردىڭ قابىلداۋىندا بولىپ, مەديتسينالىق كەڭەس الدى.
ەمحانا باسشىسى دينارا ساتجانقىزىنىڭ ايتۋىنشا, اتالعان ءىس-شارانىڭ ماقساتى مۇمكىندىگى شەكتەۋلى بالالاردا كەزدەسەتىن پسيحوەموتسيونالدىق بۇزىلۋدىڭ الدىن الۋدى جانە فەرتيلدى جاستاعى ايەلدەردىڭ دەنساۋلىعىن نىعايتۋدى كوزدەيدى.
– بۇگىن – ءبىز ءۇشىن ۇلكەن قۋانىش. بالالارىمىز وسىندا كەلىپ, ماماندارمەن بىرگە تاجىريبەلىك تاپسىرمالاردى ورىندادى. ءوزىمىز دە مامانداردىڭ كەڭەسىن الىپ, تەكسەرىلدىك, – دەيدى مۇگەدەك بالا تاربيەلەپ وتىرعان اتا-انا گاۋحار جۇماشەۆا.
اتالمىش شاراعا كەلگەندەر «كوتەرىڭكى كوڭىل كۇي» تاقىرىبىندا فلەشموب كورىپ, بالالارعا ارنالعان مۋزىكالىق مەكتەپتىڭ وقۋشىلارى ۇيىمداستىرعان كونتسەرتتىك باعدارلامانى تاماشالادى.
گۇلميرا شارحانقىزى
