پاريج قالاسىنداعى Club L’Etoile كينوتەاترىندا وتكەن «الەمدەگى زاماناۋي قازاقستاندىق مادەنيەت» جوباسىن تانىستىرۋ اياسىندا «قازاقفيلم» كينوستۋدياسىنىڭ «اناعا اپارار جول» اتتى ءفيلمى كورسەتىلدى.
كارتينانى مادەنيەت جانە سپورت مينيسترلىگىنىӊ تاپسىرىسى بويىنشا ش.ايمانوۆ اتىنداعى «قازاقفيلم» كينوستۋدياسى «نوۆىي مير پروداكشن» كومپانياسىمەن بىرلەسە تۇسىرگەن. ول ءومىردىӊ اۋىرتپالىعىنا توتەپ بەرگەن, قيىن-قىستاۋ كۇندەرى سۇراپىل سوعىستىӊ مەحناتىن كورگەن جىگىتتىڭ تاعدىرى تۋرالى سىر شەرتەدى. رەجيسسەر اقان ساتاەۆ تۇسىرگەن لەنتانى فرانتسۋز كورەرمەندەرىنە وندا انا ءرولىن سومداعان اكتريسا التىناي نوگەربەك تانىستىردى.
– فرانتسيا استاناسىنىӊ تورىندە ەلىمىزدى, مادەنيەتىمىز بەن ءداستۇرىمىزدى تانىستىرعانىما وتە قۋانىشتىمىن. كورەرمەندەر ءفيلمدى ۇلكەن قوشەمەتپەن قارسى الدى. قازاقستاندا دۇنيە ەسىگىن اشىپ, قازاق بولىپ تۋعانىما, قازاق اكتريساسى اتانىپ, وسىنداي اۋقىمدى فيلمدە ءرول بۇيىرعانىنا تاعدىرىما شەكسىز ريزامىن, – دەدى اكتريسا.
اتالعان فيلم 38-ءىنشى حالىقارالىق ماسكەۋ كينوفەستيۆالى مەن «ەۋرازيالىق كوپىر» اتتى فەستيۆالگە قاتىسىپ, باس جۇلدەنى جەڭىپ السا, اكتريسا التىناي نوگەربەك «ۇزدىك ايەل ادام ءرولى» نوميناتسياسى بويىنشا لاۋرەات اتاندى. ودان بولەك, بۇل تۋىندى بيىل قازاقستان كينوسىنشىلار اسسوتسياتسياسى ۇيىمداستىرعان «سىنشىلار تاӊداۋى» جۇلدەسىندە ءۇش بىردەي جۇلدەنى يەمدەندى. اتاپ ايتساق, «ەӊ ۇزدىك اكتريسا» – التىناي نوگەربەك جانە «ەكىنشى پلانداعى ۇزدىك اكتريسا» ارۋجان جازىلبەكوۆا دەپ تانىلدى. ال «فيلمگە جازىلعان ۇزدىك مۋزىكا» نوميناتسياسىن اتالمىش ءفيلمنىӊ كومپوزيتورلارى ءالىم زايروۆ پەن رومان ۆيشنەۆسكي ءبولىستى. ودان بولەك, كينوتۋىندى بىشكەكتە وتكەن «اق ءىلبىس» اتتى VI ۇلتتىق كينوجۇلدەسىندە ورتالىق ازيانىӊ ۇزدىك ءفيلمى اتاندى. ال 2017 جىلى ماۋسىم ايىندا نيۋ-يوركتە وتكەن 5-ءىنشى ەۋرازيالىق كينوفەستيۆالدە تاريحي كينوتۋىندى «ۇزدىك كوركەم فيلم» جۇلدەسىن الدى. سونىمەن قاتار, ءفيلمنىӊ باس پروديۋسەرى ءاليا نازارباەۆا «كينو الەمىندەگى ەۋرازيالىق ايەلدەر» جۇلدەسىمەن, ال كارتينادا انا ءرولىن سومداعان اكتريسا التىناي نوگەربەك «ۇزدىك اكتريسا» جۇلدەسىمەن ماراپاتتالدى.
سەرىك ءپىرنازار
