ەسىل اۋدانىنىڭ اكىمى ەرماعانبەت بولەكباەۆ كوپ بالالى انالارعا التىن جانە كۇمىس القانى سالتاناتتى تۇردە تابىستادى.
ەرماعانبەت بولەكباەۆتىڭ ايتۋىنشا, اۋداننىڭ دەموگرافيالىق ءوسىمى جىل وتكەن سايىن ارتىپ كەلەدى. ويتكەنى حالىق سانىنىڭ وسۋىنە ايەلدەر قاۋىمى ۇلكەن ۇلەس قوسىپ جاتىر.
– مەملەكەت باسشىسى نۇرسۇلتان نازارباەۆتىڭ تاپسىرماسى بويىنشا سىزدەرگە التىن جانە كۇمىس القانى تابىستايىن دەپ وتىرمىن. سوندىقتان دا ەلباسىنىڭ جانە جەكە ءوزىمنىڭ اتىمنان سىزدەردى الدا كەلە جاتقان 8 ناۋرىز حالىقارالىق ايەلدەر كۇنىمەن قۇتتىقتايمىن. نەگىزى, بۇل كۇن ايەلدەر ءۇشىن ەرەكشە مەيرام سانالادى. ويتكەنى ەر-ازاماتتار قىز-كەلىنشەكتەرگە سىيلىق جاساپ, مارە-سارە بولادى. سىزدەردى ءدال وسىنداي ادەمى بولىپ جۇرۋلەرىڭىزگە تىلەكتەسپىن, – دەدى اۋدان اكىمى.
ءوزىنىڭ جۇرەكجاردى قۇتتىقتاۋىنان كەيىن اۋدان اكىمى كوپ بالالى انالاردى ماراپاتتادى.
ەڭ ءبىرىنشى بولىپ اۋدان باسشىسى كوپ بالالى انا جانار بايجانوۆانىڭ كەۋدەسىنە «التىن القا» ءتوس بەلگىسىن تاقتى.
ال اقەركە الدابەرگەنوۆا, باعيلا ءجۇنىسوۆا, گۇلنار سەيىتقوجاەۆا سىندى حانىمدار «كۇمىس القا» الدى. سونداي-اق, كوپ بالالى انالارعا ارنايى سىي-سياپات كورسەتىلدى.
سەرىك قۇدايبەرگەنۇلى
