دوستىق ۇيىندە «قازاقستان حالقى اسسامبلەياسىنا 25 جىل» مەرەكەلىك مەدالدارىن تاپسىرۋ سالتاناتى ءوتتى. شارا اياسىندا رەسمي تۇردە اتالمىش وردانىڭ «ANK livە» ستۋدياسى اشىلدى.
ەلدەگى قوعامدىق كەلىسىمنىڭ نىعايۋىنا, قازاقستان حالقىنىڭ بىرلىگىن قامتاماسىز ەتۋگە قوسقان ەلەۋلى ۇلەسى ءۇشىن, سونداي-اق قازاقستان حالقى اسسامبلەياسىنىڭ 25 جىلدىعى قۇرمەتىنە «قازاقستان حالقى اسسامبلەياسىنا 25 جىل» مەرەكەلىك مەدالىمەن قازاقستان حالقى اسسامبلەياسى «جىر ورتالىعىنىڭ» جەتەكشىسى الماسبەك الماتوۆ, ۇيعىر ەتنومادەني بىرلەستىگى توراعاسىنىڭ ورىنباسارى رەنات تاحتاەۆ پەن نارگيزام ماحمۋدوۆا, ۋكراين ەتنولينگۆيستيكالىق مەكتەبىنىڭ جەتەكشىسى ەلەنا ساەنكو ماراپاتتالدى.
نۇر-سۇلتان قالاسى ىشكى ساياسات باسقارماسىنىڭ باسشىسى داۋرەن بابامۇرات توسبەلگىلەردى تاپسىرۋ راسىمىندە اسسامبلەيانىڭ ىندەت كەزىندەگى ەڭبەگىن اتاپ ءوتىپ, قالا حالقىن تاۋەلسىزدىك كۇنىمەن قۇتتىقتادى.
– دوستىق ءۇيى ەلىمىزدەگى قانشاما ۇلت وكىلدەرىن ءبىر ارنادا توعىستىرىپ وتىر. قازاقستان حالقى اسسامبلەياسىنىڭ پاندەميا كەزىندە ەلدىڭ دامۋىنا قوسقان ۇلەسى جوعارى. حالىق ءۇشىن قىزمەت ەتكەندەردىڭ ەڭبەگى ەلەنۋى قاجەت. توتەنشە جاعدايدا قانشاما قىزمەت تۇرلەرى كورسەتىلدى. جالپى, «ANK livە» ستۋدياسى 3 ايدان بەرى قالا يگىلىگىنە جاراپ كەلەدى. دەگەنمەن مىنە, بۇگىن دوستىق ۇيىندەگى يگى ىستەردىڭ قاناتىن كەڭگە جايدىراتىن جاڭا ستۋديا رەسمي تۇردە اشىلدى. بارشا قازاقستاندىقتاردى تاۋەلسىزدىك كۇنىمەن قۇتتىقتايمىن, – دەدى د.بابامۇرات.
«ANK Livە» ستۋدياسى تىكەلەي ەفيردە سۇحبات, بريفينگ, دەبات پەن ونلاين كەزدەسۋ وتكىزۋگە ارنالعان. قۇنى 8 ميلليون تەڭگەلىك زاماناۋي تەحنيكامەن جابدىقتالعان ستۋديا الداعى ۋاقىتتا دوستىق ءۇيىنىڭ عانا ەمەس, استانانىڭ ءتۇرلى تاقىرىپتاردى تالقىلايتىن ديالوگ الاڭىنا اينالادى.
نۇر-سۇلتان قالاسىنداعى Nur Otan پارتياسى سايلاۋ قورىنىڭ قاراجاتىنان تولەندى.
