2027 جىلدىڭ سوڭىنا دەيىن استاناداعى 75 اپاتتى جانە توزىعى جەتكەن ۇيلەر بۇزىلىپ, ونىڭ تۇرعىندارى جاڭا ۇيلەرگە كوشىرىلەدى. بۇل تۋرالى استانا قالاسى ءماسليحاتىنىڭ توراعاسى, Amanat پارتياسى ساياسي كەڭەسىنىڭ مۇشەسى ەرلان كاناليموۆ ءمالىم ەتتى.
Amanat پارتياسى ەلوردالىق فيليالىنىڭ سايلاۋالدى باعدارلاماسىن ورىنداۋ جونىندەگى جول كارتاسىندا قاراستىرىلعانداي, 2027 جىلدىڭ سوڭىنا دەيىن باس قالاداعى 75 اپاتتى جانە توزىعى جەتكەن ءۇيدىڭ تۇرعىندارىن كوشىرۋ جوسپارلانعان. بيىل – 18 ءۇي, 2024 جىلى – 20 ءۇي; 2025 جىلى – 5 ءۇي; 2026 جىلى – 19 ءۇي جانە 2027 جىلى 13 ءۇي بۇزىلىپ, ونىڭ تۇرعىندارى جاڭا قونىسقا كوشىرىلەدى» دەپ جازدى ە.كاناليموۆ الەۋمەتتىك جەلىدەگى پاراقشاسىندا.
ونىڭ ايتۋىنشا, كۇردەلى جوندەۋدى تالاپ ەتەتىن تۇرعىن ءۇي قورىن جاڭعىرتۋ شەڭبەرىندە 2027 جىلدىڭ سوڭىنا دەيىن ەلوردانىڭ 100 تۇرعىن ءۇي كەشەنىندە 150 ليفت اۋىستىرىلىپ, جوندەلەدى. «بۇدان باسقا, وڭىرلىك دامۋ جونىندەگى كەڭەستە توقسان سايىن دايىندالعان جەر ۋچاسكەلەرىن ءبولۋ جانە ينجەنەرلىك جەلىلەردى, جىلۋ, سۋ, گاز جانە ەلەكترمەن جابدىقتاۋدى قامتيتىن ينجەنەرلىك-كوممۋنيكاتسيالىق ينفراقۇرىلىمدى جۇرگىزۋ ماسەلەلەرى قارالادى» دەدى ءماسليحات توراعاسى.
