جاس «اقجولدىقتار» الەۋمەتتىك جەلىلەردە «2021 جىل – اق جولمەن بىرگە!» چەللەندجىن باستادى. چەللەندج پارتيانىڭ ماڭعىستاۋ وبلىستىق فيليالى جانىنداعى «اق جول – جاستار» جاستار قاناتىنان باستاۋ الدى.
جەلىلەردەگى شارا الداعى پارلامەنت ءماجىلىسى مەن بارلىق دەڭگەيدەگى ءماسليحاتتار سايلاۋىنا ارنالعان. «اقجولدىقتار» بەينەروليگىندە پارتيا ۇسىنعان وزگەرىستەر جانە ولاردىڭ قاجەتتىلىگى تۋرالى ەسكە سالىپ, سايلاۋعا بەلسەندى قاتىسۋعا جانە قازاقستان «اق جول» دەموكراتيالىق پارتياسىنا داۋىس بەرۋگە شاقىرادى. «جارقىن جولمەن ىزگى ماقساتتارعا! «اق جول» ءۇشىن داۋىس بەر!» دەيدى ماڭعىستاۋلىقتار.
ايتا كەتەيىك, وسىدان بىرنەشە كۇن بۇرىن «اق جول» دەموكراتيالىق پارتياسىنىڭ رەسپۋبليكالىق شتاب مۇشەلەرى تۇركىستان وبلىسىنا بارعان ەدى. پارتيا توراعاسى ازات پەرۋاشەۆ باستاعان ۇگىت-ناسيحات توبى تۇركىستان وبلىسىنداعى «كومبينات فاراب» زاۋىتىنىڭ ۇجىمىمەن كەزدەستى.
كەزدەسۋ بارىسىندا پارتيا توراعاسى ازات پەرۋاشوۆ «ءبىز تابىس تاباتىن, بيۋدجەتكە سالىق تولەيتىن جانە جۇمىسپەن قامتيتىن كاسىپكەرلەردى قولداۋىمىز كەرەك. «اق جول» پارتياسىنىڭ سايلاۋالدى باعدارلاماسىندا دا كاسىپكەرلىكتى قولداۋعا باسا نازار اۋدارىلعانى ايتىلعان» دەپ اتاپ ءوتتى.
«پاندەميا كەزىندە كاسىپورىنداردا جۇمىس ىستەگەن مىڭداعان ادام جالاقىسىز قالدى. ءبىز مۇنداي جاعدايعا جەتكىزبەس ءۇشىن كاسىپكەرلەرگە قولداۋ كورسەتۋىمىز قاجەت. كاسىپورىن كوپ بولسا, جۇمىس ورنى كوپ بولادى. جۇمىس كوپ بولسا, ءاربىر وتباسىنىڭ كۇنكورىسى جاقسارادى. «ءبىزدىڭ باعدارلاما كاسىپكەرلىكتى جانە قاتارداعى قازاقستاندىقتاردىڭ مۇددەلەرىن قورعاۋدى ماقسات ەتەدى» دەدى پەرۋاشەۆ.