اقتاۋلىقتارمەن اقجارقىن اڭگىمە

ءماجىلىس دەپۋتاتتىعىنا ۇمىتكەرلەر ەلدار جۇماعازيەۆ, ارداق نازاروۆ, ماقسات تولىقباي, ءلاززات چينكيسباەۆا, سونداي-اق پارتيا وكىلدەرى نۇرلىبەك مۇقانوۆ, ءانۋار كەرەمباەۆ ماڭعىستاۋ وبلىسى اقتاۋ قالاسىنىڭ جۇرتشىلىعىمەن كەزدەستى.

ءوز سوزىندە ەلدار جۇماعازيەۆ پارتيانىڭ ماقساتى جەكەلەگەن قالالاردى دامىتۋ عانا ەمەس, ەلىمىزدىڭ بارلىق وڭىرلەرىن وركەندەتۋ ەكەنىن اتاپ ءوتتى. «ماڭعىستاۋ وبلىسى – بىرەگەي ايماق. ءوڭىردىڭ اتى اتالعاندا, بىردەن بۇل ماڭدا مۇناي وندىرىلەتىنى جانە كوپ مۇناي كومپانياسى بار ەكەنى ەسكە الىنادى. سولاي بولا تۇرا, تۇرعىندار كوپتەگەن پروبلەمالارعا شاعىمدانادى. نەگىزگىسى – ادامي كاپيتال, تابىس. ءبىز بۇل ماسەلەلەردى قالاي شەشۋ كەرەكتىگىن بىلەمىز جانە ءوز باعدارلامامىزدا ناقتى شەشىمدەردى ۇسىنامىز» دەدى ول.
ەلدار جۇماعازيەۆ وڭىرلەردى دامىتۋدىڭ قولدانىستاعى ستاندارتتارى ەسكىرگەنىن, سوندىقتان پارتيا وڭىرلىك ساياساتتى تۇبەگەيلى وزگەرتكىسى كەلەتىنىن جانە بۇل رەتتە وڭىرلەردىڭ تۇرعىندارى پارتيالارعا قولداۋ كورسەتۋى ءتيىس ەكەنىن اتاپ ءوتتى. «بىزدە ەڭبەككە قابىلەتتىلىكتىڭ ۇلكەن كوەففيتسيەنتى بار. جۇمىس ورىندارىن قۇرايىق! وڭىرلىك باعدارلامالاردى قۇرايىق! ءبىز وڭىرلەردى ءوسىرۋىمىز كەرەك. كۇشتىڭ ءبارى سولاردا!» دەدى ول. سونداي-اق سپيكەر سايلاۋ ناتيجەلەرىنە قاراماستان, «ADAL» جوبالىق كەڭسەلەرى ارقىلى وڭىرلەر تۇرعىندارىنىڭ ماسەلەلەرىن شەشۋگە قول جەتكىزەتىنىن ايتتى. «سايلاۋدان كەيىن دە ءومىر بىتپەيدى جانە پروبلەمالار ەشقايدا كەتپەيدى. سايلاۋ كەزەڭى بىزگە مۇمكىندىگىنشە كوپ ادامدى تىڭداۋ ءۇشىن جانە ولاردىڭ ماسەلەلەرىن شەشۋدىڭ تەتىكتەرىن جاساۋ ءۇشىن بەرىلەدى. ءبىز قازىر وسىمەن بەلسەندى تۇردە اينالىسۋدامىز» دەدى «ADAL» وكىلى.
پارتيا وكىلدەرىنە جولداعان سۇراقتارىندا اقتاۋ تۇرعىندارى بيۋدجەت قاراجاتىن ءتيىمسىز جۇمساۋ سالدارىنان تۋىندايتىن ماسەلەلەردى ءجيى كوتەردى. ەلدار جۇماعازيەۆ پارتيا سايتىنان ءوڭىر بيۋدجەتىنىڭ قالاي بولىنەتىنىن ءبىلىپ, نارازىلىق بىلدىرگەن جاعدايدا, بۇل تۋرالى پارتيا وكىلدەرىنە ايتىپ بەرۋگە بولاتىنىن ەسكە سالدى. «ءبىز بيۋدجەتتى ورىندى پايدالانۋىمىز كەرەك. حالىقتىڭ قالاعانى – باسقا, ال بيۋدجەتتىڭ جۇمسالۋى – باسقا. پرەزيدەنت حالىقتى ەستيتىن مەملەكەت تۋرالى ايتقان بولاتىن. وسىلايشا ءبىز ءوز سايتىمىزدى قۇردىق» دەپ اتاپ ءوتتى دەپۋتاتتىققا ۇمىتكەر.