استانا قالاسى اكىمدىگىنىڭ جانە قازاقستان رەسپۋبليكاسى قارۋلى كۇشتەرى ۇلتتىق اسكەري-پاتريوتتىق ورتالىعىنىڭ قولداۋىمەن «جاس سارباز» جاسوسپىرىمدەر اسكەري-پاتريوتتىق قوزعالىسى» رەسپۋبليكالىق قوعامدىق بىرلەستىگى استانا قالالىق فيليالىنىڭ ۇيىمداستىرۋىمەن قازاقستان قارۋلى كۇشتەرىنىڭ 31جىلدىعى قارساڭىندا «جاس سارباز – پاتريوتتار مەكەنى» جوباسى اياسىندا ەلوردادا اسكەري-پاتريوتتىق اندەر بايقاۋىنىڭ اقتىق سايىسى ءوتتى.
باسقوسۋعا استانا قالاسىنىڭ جاستار ساياساتى ماسەلەلەرى باسقارماسىنىڭ باسشىسى قايرات قامباروۆ, «جاس سارباز» جاسوسپىرىمدەر اسكەري-پاتريوتتىق قوزعالىسىنىڭ وكىلى مەيىربەك مەڭدىعاليەۆ, «جاس سارباز» جاسوسپىرىمدەر اسكەري-پاتريوتتىق قوزعالىسى استانا قالالىق فيليالىنىڭ توراعاسى اسحات نالشىبەك جانە قورعانىس مينيسترلىگىنىڭ جانە استانا قالاسى قورعانىس ىستەرى جونىندەگى دەپارتامەنتىنىڭ وكىلدەرى قاتىستى.
جارىسقا «جاس سارباز» سىنىبىنىڭ جانە كلۋبىنىڭ تاربيەلەنۋشىلەرى, استانا قالاسىنىڭ مەكتەپ وقۋشىلارى مەن كوللەدج ستۋدەنتتەرىنەن جالپى سانى 250 ادام قاتىستى. بۇل بايقاۋدىڭ ماقساتى – جاستارعا, «جاس سارباز» تاربيەلەنۋشىلەرىنە رۋحاني-ادامگەرشىلىك جانە پاتريوتتىق تاربيە بەرۋ, ءبىلىم الۋشىلاردىڭ بەلسەندى ازاماتتىق ۇستانىمى مەن ءپاتريوتيزمىن قالىپتاستىرۋ.
اسحات نالشىبەك اسكەري-پاتريوتتىق اندەر بايقاۋى اتالعان جوبانىڭ ىشىندەگى ەڭ ماڭىزدى ءىس-شارالاردىڭ ءبىرى ەكەنىن اتاپ ءوتتى. «قارۋلى كۇشتەردىڭ 31 جىلدىعىنا وراي استانا قالاسىنىڭ جاستار ساياساتى ماسەلەلەرى باسقارماسىنىڭ قولداۋىمەن «جاس سارباز – پاتريوتتار مەكەنى» جوباسىن ىسكە اسىرۋدى قولعا الدىق. جوبانىڭ اياسىندا اسكەري-پاتريوتتىق جيىن, مارافون, فۋتبول جانە ۆولەيبول تۋرنيرلەرى, قايىرىمدىلىق اكتسيالارىن وتكىزۋدى جوسپارلادىق. وسى جوبامىزداعى ءىس-شارانىڭ ءبىرى جانە بىرەگەيى – اسكەري-پاتريوتتىق اندەر بايقاۋى بولىپ تابىلادى. بايقاۋعا استانا قالاسىنان 250-دەن استام ۇمىتكەر قاتىستى, سونىڭ ىشىندە 14-ءى اقتىق سايىسقا ءوتتى. بارلىق قاتىسۋشىلارعا زور العىسىمىزدى بىلدىرەمىز» دەدى اسحات نالشىبەك.
