كەشە قازاقستان تاۋەلسىزدىگىنىڭ 30 جىلدىعىن مەرەكەلەۋ اياسىندا «ەسىل تولقىندارى» حالىقتىق ارداگەرلەر ءانسامبلىنىڭ مەرەكەلىك كونتسەرتى ءوتتى.
انسامبل ءۇش جىل بويى قالا تۇرعىندارىن باي مازمۇندى كونتسەرتتىك نومىرلەرمەن قۋانتىپ كەلەدى. بيىل 18 قاراشادا «ەسىل تولقىندارى» «حالىق ءانسامبلى» اتاعىنا يە بولدى.
كونتسەرتتىڭ اشىلۋىندا ەسىل اۋدانى اكىمىنىڭ ورىنباسارى دارمەنيار قادىربەكۇلى قۇتتىقتاۋ ءسوز سويلەدى. «تاۋەلسىزدىكتىڭ مەرەكەسى قارساڭىندا «ەسىل تولقىندارى» ءانسامبلى «حالىقتىق» قۇرمەتتى اتاعىن العاندىعى تەرەڭ سيمۆولدىق مانگە يە. فاريدا مۇقاتايقىزى باستاعان ونەر ۇجىمى بىرنەشە جىل بويى ءبىزدى ءوز شىعارماشىلىعىڭىزبەن قۋانتىپ كەلەسىزدەر. بۇگىنگى ءداۋىر ۇلى وزگەرىستەرگە تولى كەزەڭ سانالادى. سىزدەر ءوز ونەرلەرىڭىز ارقىلى وتكەنگە مۇراگەر, كەيىنگىگە بۇيداگەر بولىپ, وسكەلەڭ ۇرپاقتى تاربيەلەۋگە ءوز ۇلەستەرىڭىزدى قوستىڭىزدار. بۇل – ءبىزدىڭ اۋدانىمىز ءۇشىن, باس قالامىز ءۇشىن ۇلكەن مەرەي» دەدى ول.
انسامبل قۇرامىندا قازىر 24 ادام بار. توپ مۇشەلەرىنىڭ جاسى 60-تان اسقان. «بۇگىن ءبىزدىڭ ارداگەرلەر قالا تۇرعىندارىن ەلىمىزدىڭ تاۋەلسىزدىگىنىڭ 30 جىلدىعىمەن قۇتتىقتاعىسى كەلەدى. سونداي-اق ءبىز «ەسىل تولقىندارى حالىقتىق انسامبل بولعانىمىزدى قۇتتىقتاپ, اتاپ ءوتىپ جاتىرمىز. ءبىز, قازاقستاندىقتار, باقىتتى ادامدارمىز, ويتكەنى ءبىزدىڭ ءوز جەرىمىز, ورتاق ءۇيىمىز بار. اتا-بابالارىمىزدىڭ ارمانى ورىندالدى. ءبىز قۋاتتى ءارى تاۋەلسىز مەملەكەت قۇردىق. ءبىز قازاقستاندى جاڭا بەلەستەرگە جەتكىزەتىن جاس ۇرپاعىمىزعا سەنەمىز. بارلىق قازاقستاندىقتاردى كەلە جاتقان مەرەكەمەن قۇتتىقتايمىز! زور دەنساۋلىق پەن تابىس تىلەيمىز!» دەدى ەسىل اۋدانى ارداگەرلەر كەڭەسىنىڭ ءتورايىمى رىستى اتىعاەۆا.
مەرەكەلىك كونتسەرت بارىسىندا ەسىل اۋدانى اكىمىنىڭ اتىنان انسامبل مۇشەلەرىنە العىس حاتتار تابىستالدى.
