استانادا ماحامبەت وتەمىسۇلى اتىنداعى وقۋشىلار سارايىندا ۇرپاقتاستار ساباقتاستىعىن كورسەتەتىن ماڭىزدى ءىس-شارا ءوتتى. وندا ەلوردانىڭ بارلىق 5 اۋدانىنان ەڭبەك ارداگەرلەرى, زەينەتكەرلەر, بالالار ۇجىمدارى ونەر كورسەتتى.
«ۇرپاقتار ساباقتاستىعى» جوباسى اياسىندا استانا قالاسى ارداگەرلەر كەڭەسى جانە استانا قالاسى اكىمدىگىنە قاراستى «بەلسەندى ۇزاق ءومىر ءسۇرۋ ورتالىعىنىڭ» ۇيىمداستىرۋىمەن «ارداگەرلەر كوكتەمى» اتتى كوكتەم فەستيۆالىندە «Contrasst» بي تەاترى «شاشۋ» بيىمەن ساحنانىڭ شىمىلدىعىن اشتى. ەسىل اۋداندىق «بەلسەندى ۇزاق ءومىر ءسۇرۋ ورتالىعى» جانىنان قۇرىلعان «اسىل مۇرا» دومبىرا ءانسامبلى قۇرمانعازىنىڭ كۇيى «بالبىراۋىن» مەن ءابدىمومىن جولدىباەۆتىڭ «ەركە سىلقىم» كۇيىن كۇمبىرلەتتى.
الماتى اۋداندىق ەرمەك تۇرلىباەۆ باسقاراتىن حالىقتىق «ەلوردا» ارداگەرلەر حورى «تۋعان ەل» ءانىن, «ارقا اۋەندەرى» ءانسامبلى حالىق ءانى «ەكى جيرەن» مەن «قىزىل كويلەك» ءانىن شىرقادى. ەسىل اۋداندىق حالىقتىق «ەسىل تولقىندارى» ارداگەرلەر ءانسامبلى «ەلىم-اي», «بوپەم-اي» حالىق اندەرىن, كومپوزيتور يليا جاقانوۆتىڭ «ەدىل مەن جايىق» ءانىن ناقىشىنا كەلتىرە ورىندادى. ساحنادا «انا» بەينەسىن قازاقستاننىڭ ونەر جانە مادەنيەت سالاسىنىڭ ۇزدىگى قارلىعاش قۇسپانوۆا سومدادى.
سارىارقا اۋداندىق «ۆەتەران» قالالىق ورىس حورى «پوگودا رازگۋليالاس» ورىس حالىق ءانى مەن «سپاسيبو دەدۋ زا پوبەدۋ» ءانىن ورىنداعان كەزدە №27 ورتا مەكتەبىنىڭ «شاڭىراق» بي ۇجىمى ونەر كورسەتتى.
كونتسەرتمەيستەر جاباي قاليەۆ پەن تەمرەش كەرەەۆ دۋەتى ورىنداعان «پولونەز وگينسكوگو» ءانى, ەرعالي زاكاريانوۆتىڭ جەتەكشىلىگىندەگى «بايتەرەك» ءانسامبلىنىڭ حورى ورىنداعان «الما باعىندا», «بەيبىتشىلىك ساقتالادى» اتتى اندەرى كورەرمەننىڭ ەرەكشە قوشەمەتىنە يە بولدى.
سارىارقا اۋداندىق «سارىارقا» ارداگەرلەر ۇيىمى جانىنان قۇرىلعان «ساعىنىش سازى» ۇلتتىق ۆوكالدىق ءانسامبلى «شىعىستىڭ قوس جۇلدىزى», ەسكەندىر حاسانعاليەۆتىڭ «اينالدىم ەلىم» اندەرىن تامىلجىتا ورىندادى.
ەسىل اۋداندىق «بەلسەندى ۇزاق ءومىر ءسۇرۋ ورتالىعى» جانىنان قۇرىلعان «قازىنا» سالت-داستۇرلەردى دارىپتەۋ ۇجىمى «بوزتورعايىم» ءانىن ورىنداسا, سارىارقا اۋداندىق ۇلتتىق ەتنو-مادەني «اجەلەر شاڭىراق» ءانسامبلى, كونتسەرمەيستەر جاباي قاليەۆ جانە «قاماجاي» بي توبى «كاتيۋشا, سمۋگليانكا, اح, سامارا, گورودوك» اتتى اسكەري اندەر ءپاپۋريىن ورىنداعاندا ارداگەرلەر دە, جاستار دا ورىندارىنان تۇرىپ بيلەدى. كەش «اتامەكەن» انىمەن قورىتىندىلاندى.
