ەلوردادا نۇرا اۋدانىنىڭ «ارداگەرلەر ۇيىمى» جاڭا قوعامدىق بىرلەستىگىن قۇرۋ بويىنشا العاشقى قۇرىلتاي كونفەرەنتسياسى ءوتتى.
جيىنعا استانا قالاسى ارداگەرلەر كەڭەسىنىڭ توراعاسى سانسىزباي ەسىلوۆ, اتالعان اۋدان قۇرامىنا ەنگەن باستاۋىش ارداگەرلەر ۇيىمدارىنىڭ وكىلدەرى, ەسىل اۋداندىق جانە قالالىق ارداگەرلەر كەڭەسىنىڭ بەلسەندىلەرى, پلەنۋم مۇشەلەرى, نۇرا اۋدانىنىڭ اكىمى ءجۇسىپ جۇماعۇلوۆ, اكىمنىڭ ورىنباسارى ءاليا ابسەمەتوۆا, ەسىل اۋدانىنىڭ ارداگەرلەر كەڭەسىنىڭ توراعاسى رىستى اتىعاەۆا, اكىمدىك قىزمەتكەرلەرى, باق وكىلدەرى قاتىستى. كونفەرەنتسيا قاتىسۋشىلارى ءبىراۋىزدان نۇرا اۋدانىنىڭ «ارداگەرلەر ۇيىمى» قوعامدىق بىرلەستىگىنىڭ توراعاسى ەتىپ ايتماعامبەت ايپوۆتى سايلادى. جاڭا كەڭەس قۇرامىنا 23 ادام سايلاندى. بارلىق ۇيىمداستىرۋ-سايلاۋ راسىمدەرى اياقتالعاننان كەيىن جاڭا اۋداندىق ارداگەرلەر كەڭەسىنىڭ الدىندا تۇرعان ءبىرىنشى كەزەكتەگى مىندەتتەر تالقىلاندى.
– الماتى, ەسىل اۋداندارى كەڭەستەرىن العاشقى كۇندەرىنەن باسقارعانىما 15 جىل بولدى. بارلىق ارداگەرلەردى بىرلەسكەن جۇمىس ارقىلى بىلەمىز. جاسىراتىنى جوق, ءبىزدىڭ اۋدان ارداگەرلەرى قالالىق كەڭەستىڭ بەلسەندى وتريادتارىنىڭ ءبىرى بولىپ تابىلادى. اۋداندىق كەڭەس بازاسىندا رەسپۋبليكالىق سەمينار-كەڭەس وتكىزىلدى, زەينەتكەرلەردىڭ بوس ۋاقىتىن ءتيىمدى وتكىزۋ ءۇشىن شاعىن ورتالىقتار ۇيىمداستىرىلمادى, قالادا ءبىرىنشى بولىپ اۋدان ارداگەرلەرىنىڭ «بەلسەندى ۇزاق ءومىر ءسۇرۋ ورتالىعى» 2020 جىلى اشىلدى. ءومىر ءبىر ورىندا تۇرمايدى. اۋدانىمىزدان جاڭا نۇرا اۋدانى ءوسىپ, قۇرىلعانىنا قۋانىشتىمىز. ءبىز سىزدەرمەن بايلانىستا بولامىز, قولىمىزدان كەلگەننىڭ بارىنە كومەكتەسەمىز جانە قولداۋ كورسەتەمىز, – دەدى ەسىل اۋداندىق كەڭەسىنىڭ توراعاسى رىستى اتىعاەۆا.
قالالىق ارداگەرلەر كەڭەسىنىڭ توراعاسى سانسىزباي ەسىلوۆ اۋداندىق ارداگەرلەر كەڭەسىنىڭ الداعى مىندەتتەرىن قىسقاشا اتاپ ءوتتى.
– بىرىنشىدەن, ءاربىر باستاۋىش ۇيىمدا ۇيىمداستىرۋشىلىق وداقىشىلىك جۇمىستى كوتەرىپ, ونىڭ ناتيجەسى باستاۋىش ۇيىمداردىڭ ساندىق جانە ساپالىق قۇرامىن ءوسىرۋى ءتيىس. ەكى جىل ىشىندە ۇيىمداردىڭ ساندىق قۇرامىن 25 مىڭ ارداگەرگە جەتكىزدىك. كەلەسى جىلى جاعالاۋ اۋدانىندا «بەلسەندى ۇزاق ءومىر ءسۇرۋ ورتالىعىن» اشقان ءجون. قالالىق ارداگەرلەر كەڭەسى دەنساۋلىق ساقتاۋ باسقارماسىمەن بىرلەسىپ, زەينەتكەرلەردىڭ وتىنىشتەرى بويىنشا قالانىڭ ەمحانالارىندا اعا بۋىندى, قالا ارداگەرلەرىن قابىلداۋ ءۇشىن گەرونتولوگيالىق كابينەتتەر اشۋعا باستاماشىلىق ەتتى. بۇل ەگدە جاستاعى تۇرعىندارعا مەديتسينالىق كومەك كورسەتۋ ماسەلەسىن تۇبەگەيلى شەشۋگە كومەكتەسەدى. وسى ارقىلى زەينەتكەرلەرگە ارنالعان مەديتسينالىق قىزمەت كورسەتۋ قاعيداتى جۇزەگە اسىرىلاتىن بولادى, گەرانتولوگيا ورتالىقتار مەن ستاتسيونارلار جەلىسى داميدى. ءبىز قالانىڭ بارلىق ءتورت اۋدانىندا زەينەتكەرلەردىڭ قالالىق الەۋمەتتىك قورعاۋ, مەديتسينالىق قىزمەت كورسەتۋ, مادەنيەت جانە سپورت, ىشكى ساياسات قىزمەتتەرىنىڭ باسشىلارىمەن, قالالىق جانە اۋداندىق اكىمدىكتەردىڭ وكىلدەرىمەن, ءماسليحات دەپۋتاتتارىمەن «قر-دا 2025 جىلعا دەيىن بەلسەندى ۇزاق ءومىر ءسۇرۋ «اعا بۋىن ازاماتتارىنىڭ جاعدايىن جاقسارتۋ جونىندەگى ۇلتتىق ءىس-قيمىل جوسپارىنىڭ» نەگىزگى ەرەجەلەرىن ءتۇسىندىرۋ بويىنشا كەزدەسۋلەر وتكىزدىك. ۋاقىت وتە كەلە ءسىزدىڭ ايماعىڭىزدا وسىنداي كەزدەسۋ وتكىزەمىز, – دەدى ول.
امانگەلدى ءاشىروۆ,
استانا قالاسى
ارداگەرلەر كەڭەسى
مەديا توبىنىڭ
توراعاسى
